បណ្តានាវាចិនបានបង្ហាញពីសញ្ញានៃការរំលោភបំពានម្តងទៀត ដោយបានរុញ ច្រាន និងបានរំខានក្នុងចម្ងាយពី៣៥-៤០មីលម៉ារាំង ពីស្ថានីយ៍ខួងអណ្តូងប្រេងកាត Haiyang Shiyou-981 ទៅលើនាវានេសាទរបស់វៀតណាម ដែលកំពុងដំណើរការនេសាទត្រីជាទម្លាប់ ប្រពៃណី នៅជុំវិញទីតាំងស្ថិតនៅនៃស្ថានីយ៍ខួងអណ្តូងប្រេងកាតនេះ។នេះបើយោងតាមសារព័ត៌មានក្នុងស្រុកវៀតណាមបានចុះផ្សាយ កាលពីថ្ងៃទី ៨ ខែ មិថុនា។
តាមនាវាឃ្លាំមើលធនធាននេសាទរបស់វៀតណាមបានឱ្យដឹងថាៈ នាវារបស់ខ្លួនបានបន្តស្ថិតនៅ នឹងកន្លែង និងបានដឹកនាំសកម្មភាពតស៊ូយ៉ាងខ្លាំងក្លា ក្នុងចម្ងាយពី៨-១១មីលម៉ារាំងពីស្ថានីយ៍ខួង អណ្តូងប្រេងកាត ដើម្បីតវ៉ា និងទាមទារឱ្យចិនដកខ្លួនចេញពីដែនទឹក ដែលជាអធិបតេយ្យភាព របស់វៀតណាម ។
នាវានេសាទវៀតណាមបានបន្តធ្វើការនេសាទ ក្នុងចម្ងាយដល់ទៅ៣៥-៤០មីលម៉ារាំង ពីស្ថានីយ៍ ខួងអណ្តូងប្រេងកាត ក្នុងការតវ៉ាប្រឆាំងនឹងសកម្មភាពឈ្លានពាន ពីខាងនាវានេសាទ និងនាវាឆ្មាំ ឆ្នេររបស់ចិន ដោយបានទាមទារផងដែរសុំឱ្យចិនដកស្ថានីយ៍ខួងអណ្តូងប្រេងកាត ចេញពីដែនទឹក វៀតណាម ។
ក្រៅពីសកម្មភាពតវ៉ាប្រឆាំងនឹងការរំលោកបំពានដោយប្រទេសចិន មកលើអធិបតេយ្យភាពរបស់ ប្រទេសវៀតណាម បណ្តានាវាឃ្លាំមើលធនធាននេសាទរបស់វៀតណាម តែងតែមានវត្តមាននៅ ក្នុងផ្នែកដែលនាវានេសាទវៀតណាមកំពុងដំណើរការ ដើម្បីជួយការពារពួកអ្នកនេសាទចេញពីស កម្មភាពរំលោភបំពានរបស់បណ្តានាវាឆ្មាំឆ្នេរ និងបណ្តានាវានេសាទរបស់ចិន ។
ចិនបានរក្សាទុកនាវាប្រហែល១២០គ្រឿង ដែលក្នុងនោះមាននាវាឆ្មាំឆ្នេរ៤០គ្រឿង នាវាដឹកជញ្ជូន និងនាវាសណ្តោង៣០គ្រឿង នាវាចម្បាំង៤គ្រឿង និងនាវានេសាទពី៣០-៤០គ្រឿង ។ ម្យ៉ាងទៀត យន្តហោះធុន « Y-8 » មួយគ្រឿងដែលធ្វើការឈ្លបយកការណ៍ បានហោះហើរនៅពីលើទីតាំង នៃស្ថានីយ៍ខួងអណ្តូងប្រេងកាត ក្នុងកម្ពស់ពី៣០០-៥០០ម៉ែត្រ ។
នៅនឹងកន្លែងនាវានេសាទរបស់ចិនប្រមាណជា៣០-៤០គ្រឿង ដែលត្រូវបានការពារដោយនាវាឆ្មាំ ឆ្នេររបស់ចិន២គ្រឿង បានរារាំងនាវាឃ្លាំមើលធនធាននេសាទ និងនាវានេសាទរបស់ វៀតណាម ដែលនៅក្បែរស្ថានីយ៍ខួងអណ្តូងប្រេងកាត ។
នៅក្នុងទីតាំងនៃស្ថានីយ៍ខួងអណ្តូងប្រេងកាត បណ្តានាវាចិនដែលរួមមមាន នាវាឆ្មាំឆ្នេរនាវាល្បាត ក្នុងសមុទ្រ នាវាដឹកជញ្ជូនក្នុងសមុទ្រ នាវាសណ្តោងដែលបែងចែកជាក្រុម ដែលស្ថិតនៅចម្ងាយ ៧-៨មីលម៉ារាំង និង៩-១១មីលម៉ារាំង បានត្រៀមខ្លួនធ្វើការវាយប្រហារបុកពន្លិច និងបង្កការរំខាន ដោយប្រើប្រាស់កាណុងបាញ់ទឹក ទៅលើនាវាឃ្លាំមើលធនធាននេសាទរបស់ វៀតណាម ដើម្បី រុញច្រានបណ្តានាវារបស់វៀតណាម ទៅឱ្យឆ្ងាយពីស្ថានីយ៍ខួងអណ្តូងប្រេងកាត ។តែទោះជាយ៉ាងណាខាងវៀតណាមមិនមានការខូចខាតអ្វីឡើយ ៕
https://i1272.photobucket.com/albums/y389/domneng/3D/Giankhoan_HD981_zpsa7ff4ed5.jpg
មតិយោបល់