យោងតាមទំព័រ Fichajes ដែលចុះផ្សាយកាលពីថ្ងៃទី ២០ ខែ មិថុនា ម្សិលមិញនេះបានឲ្យដឹងថា ខ្សែប្រយុទ្ធបារាំង ចង់ឲ្យមិត្តរួមក្រុមវ័យក្មេង Paul Pogba ចូលរួមលេង នៅ Real Madrid ។
កីឡាករ Karim Benzema ដែលជាខ្សែប្រយុទ្ធរបស់បារាំង ដ៏ឆ្នើម បានល្បួង មិត្តរួមក្រុម Paul Pogba ឲ្យចូលរួមលេងនៅ Real Madrid ក្រោយចប់រដូវកាលបាល់ទាត់ពិភពលោក ខណៈដែលអ្នកទាំងពីរកំពុងរវល់ ដៃ ជាមួយនឹង គ្នាលេងតំណាងជាតិខ្លួននៅប្រេស៊ីល ។ សម្រាប់ Karim Benzema កំពុងហៀបនឹងចុះកុងត្រាថ្មី ជាមួយនឹងក្លិប ។
Paul Pogba ត្រូវបានគេទទួលស្គាល់ថា ជាកីឡាករវ័យក្មេង និងល្អបំផុត នៅលើពិភពលោក ចាប់តាំងពីចាកចេញពីបិសាចក្រហម មកកាន់ Juventus ហើយគិតមកទល់នឹងពេលនេះ តម្លៃខ្លួនគាត់គឹជុំវិញ ៦០ លានផោន ដែលជាចំនួនមួយដ៏ធំ ដែលដាក់សម្ពាធទៅលើក្លិបនៅអឺរ៉ុបដែលចង់បានគាត់។
ជាមួយនឹងគ្នានេះដែរ បិសាចក្រហម ក៏បានទំនាក់ទំនងចង់នាំកីឡាកររូបនេះ មកកាន់បិសាចក្រហមវិញផងដែរ ខណៈដែល PSG ក៏កំពុងព្យាយាមល្បួង ប៉ុន្តែ Karim Benzema ជំនួសឲ្យ Real Madrid ក៏កំពុងលួងលោម មិត្តរួមក្រុមឲ្យទៅលេងនៅ Bernabeu ។
វាជាការពិតណាស់ ក្លិប Real Madird កំពុងព្យាយាមចុះហត្ថលេខា ជាមួយនឹង Arturo Vidal ដែលជាមិត្តរួមក្រុម Paul Pogba នៅ Juventus ស្របពេលដែល ក្លិប ខ្លាំងអ៊ិតាលីនេះ ព្យាយាមរក្សាកីឡាករទាំងពីរ ៕
មតិយោបល់