រោងចក្រដែលជាដៃគូរធំរបស់ Apple បានជួលកម្មករបន្ថែមប្រមាណជា ១០ម៉ឺននាក់ ដើម្បីចាប់ផ្ដើមផលិត iPhone 6 ខណៈពេលដែលក្រុមហ៊ុនដែលជាដៃគូរផ្សេងទៀតបង្កើនល្បឿនចង្វាកផលិតកម្មដែរ។
Foxconn ត្រូវបានគេដឹងកាលពីថ្មីៗនេះថា បានជួលកម្មករថ្មីបន្ថែម ១០០.០០០នាក់ ដើម្បីជួយក្នុងការផលិត iPhone 6 ដែលព័ត៌មាននេះត្រូវបានរាយការណ៍ដោយសារព័ត៌មានតៃវ៉ាន់ Economic Daily News។
ចំណែកក្រុមហ៊ុន Pegatron ដែលជាដៃគូរមួយ ទទួលបន្ទុកផលិត iPhone 6 ដែរនោះ បាននឹងកំពុងតែបង្កើតល្បឿននៃការផលិត ហើយបើតាមការបញ្ជាក់ពីប្រភពខាងលើ Pegatron មានចំណែកក្នុងការផលិត iPhone 6 ចំនួន ៣០ភាគរយ។
មូលហេតុដែល Foxconn ជួលកម្មករបន្ថែម ដោយសារតែក្រុមហ៊ុនមួយនេះ ខ្លាចមិនអាចផលិត iPhone 6 តាមការកំណត់បាន ដូច្នេះហើយទើបជួលបុគ្គលិកបន្ថែម ជាពិសេសគឺការផលិតត្រូវបានគេដឹងថា ពិបាកជាង iPhone ម៉ូដែលមុនៗ៕
មតិយោបល់