ភ្នំពេញ ៖ បុរសនារី២នាក់បានរង់របួសធ្ងន់ខណៈដែលពួកគេបានជិះម៉ូតូស្មាស់វី មួយគ្រឿង ក្នុងល្បឿនលឿនពេលដល់ផ្លូវកោងចាប់ហ្វ្រាំងមិនទាន់ ក៏ជ្រុលទៅបុកជាមួយ រថយន្ដស្ទូចមួយគ្រឿង ហេតុការណ៍នេះកើតឡើងកាលពីវេលាម៉ោង៨និង៤០នាទី យប់ ថ្ងៃ២៤ខែមិថុនាឆ្នាំ២០១៤ នៅចំណុចមុខស្ថាននីប្រេងឥន្ធនៈតេលា ស្ថិតនៅតាមបណ្ដោយផ្លូវ៣៧១ ក្នុងសង្កាត់ទឹកថ្លា ខណ្ឌសែនសុខ ។
https://i1272.photobucket.com/albums/y389/domneng/3D/2014-06-25_100554_zpsb6c284fc.png
យោងទៅតាមសាក្សីនៅកន្លែងកើតហេតុបានអោយបានដឹងថា មុនពេលកើតហេតុគេឃើញម៉ូតូស្មាស់វីមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1CC-7872 ជិះដោយបុរសនារី២នាក់ ធ្វើដំណើរតាមបណ្ដោយផ្លូវលេខ៣៧១ ក្នុងទិសដៅពីជើងទៅត្បូង ក្នុងល្បឿនលឿន ខណៈដែលមកដល់ចំណុចកើតហេតុ ជាផ្លូវកោងចាប់ហ្វ្រាំងមិនទាន់ ក៏ជ្រុលចង្កូតទៅបុកជាមួយរថយន្ដស្ទូចមួយគ្រឿង ពណ៌លឿន ពាក់ស្លាកលេខ ភ្នំពេញ 5A-0521 ធ្វើដំណើរតាមបណ្ដោយផ្លូវលេខ៣៧១ ក្នុងទិសដៅពីត្បូងទៅជើង បញ្ច្រាស់គ្នា ចំពីមុខមួយទំហឹង បណ្ដោលអោយបុរសនារីទាំង២នាក់ខ្ទាតបោកនិងថ្នល់ រងរបួសធ្ងន់ ត្រូវរថយន្ដសាមុយមន្ទីរពេទ្យឯកជនដឹកយកទៅសង្គ្រោះភ្លាមៗនៅមន្ទីរពេទ្យ ចំណែករថយន្ដស្ទូចបានព្យាយាមបើករត់គេចដល់ចំណុចមុខសិប្បកម្មសម្បត្តិ ក៏ត្រូវប្រជាពលរដ្ឋជិះម៉ូតូដេញឃាត់បានភ្លាមៗ។
បន្ទាប់ពីកើតហេតុរថយន្តបង្កត្រូវបានសមត្ថកិច្ចចុះមកត្រួតពិនិត្យនិងធ្វើការវាស់វែងយកទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំធ្វើការដោះស្រាយតាមនីតិវិធីច្បាប់៕
មតិយោបល់