ភ្នំពេញ ៖ បុរសជនជាតិចិននិងខ្មែរ៣នាក់បានរង់របួសធ្ងន់ស្រាលខណៈដែលជួបគ្រោះថ្នាក់ចរាចរណ៍រវាងម៉ូតូនិងម៉ូតូបុកគ្នាពេញទំហឹង នៅចំណុចស្តុបទួលទំពូង តាមបណ្ដោយផ្លូវម៉ៅសេទុងកែងផ្លូវលេខ១៦៣ ក្នុងសង្កាត់ទួលទំពូង២ ខណ្ឌចំការមន កាលពីវេលាម៉ោង៩និង១០នាទីយប់ថ្ងៃទី២៤ខែមិថុនាឆ្នាំ២០១៤។
តាមប្រភពព័ត៌មាននៅកន្លែងកើតហេតុបានឲ្យដឹងថានៅមុខពេលកើតហេតុគេបានឃើញម៉ូតូមួយគ្រឿងម៉ាក សង់កូរេ ពណ៌ទឹកក្រូច ពាក់ស្លាកលេខ ភ្នំពេញ 1G-0012 ដែលជិះដោយបុរសជនជាតិ២នាក់ស្រវឹងជោកជាំ បានធ្វើដំណើរតាមបណ្តោយផ្លូវលេខ១៦៣ ក្នុងល្បឿនលឿន ទិសដៅពីជើងទៅត្បូង ស្រាប់តែមកដល់ចំណុចកើតហេតុខាងលើ ក៏បានជ្រុលចង្កូតទៅបុកគ្នាជាមួយនិងម៉ូតូមួយគ្រឿងទៀតម៉ាកហុងដា គុបមូល ពណ៌ត្រីអ៊ី ពាក់ស្លាកលេខ ស៊េរីចាស់ ង១៨៤៨ ភព១ ជិះដោយបុរសម្នាក់ ធ្វើដំណើរតាមបណ្តោយផ្លូវលេខ១៦៣ ក្នុងល្បឿនលឿន ពីទិសដៅត្បូងទៅជើង បណ្តាលឲ្យម៉ូតូទាំង២គ្រឿងបុកគ្នាយ៉ាងពេញទំហឹង និងធ្វើឲ្យម្ចាស់ម៉ូតូទាំងពីររងរបួសធ្ងន់ម្នាក់និងស្រាល២នាក់។ ក្រោយពេលកើតហេតុភ្លាមៗ រថយន្តសាមុយមន្ទីរពេទ្យឯកជនបានមកដឹងជនរងគ្រោះយកទៅមន្ទីរពេទ្យព្យាបាលតែម្តង ហើយសមត្ថកិច្ចបានចុះមកដល់កន្លែងកើតហេតុនិងបានវាស់វែងយកម៉ូតូទាំង២គ្រឿងទៅរក្សាទុកនៅខណ្ឌចំការមន រង់ចាំដោះស្រាយតាមនីតិវិធីច្បាប់៕
ព័ត៌មានជាតិ
មតិយោបល់