ភ្នំពេញ ៖ សម្ដេចនាយករដ្ឋមន្ដ្រីហ៊ុន សែន បានស្នើឲ្យរដ្ឋមន្ដ្រី ក្រសួងមហាផ្ទៃ ពិនិត្យមើល និងពង្រាយកន្លែងធ្វើលិខិតឆ្លងដែន នៅតាមខេត្តនានាឲ្យបានច្រើនកន្លែង ដើម្បីងាយស្រួលដល់ពលករ។
ដូចជា កំពង់ចាម ព្រៃវែង ពោធិ៍សាត់ បន្ទាយ មាន ជ័យ និងខេត្ដកំពត ជាដើម ដើម្បីងាយស្រួល ដល់ប្រជាពលករ ទៅធ្វើ នៅក្នុងខេត្ដរបស់ខ្លួន ដោយ មិនត្រូវចំណាយលុយបន្ថែមទៀត សម្រាប់ទៅធ្វើលិខិតឆ្លងដែននៅរាជធានីភ្នំពេញ និងនៅខេត្ដបាត់ដំបង ។
នៅព្រឹកថ្ងៃទី២៦ ខែមិថុនា ឆ្នាំ២០១៤នេះ នៅមជ្ឈមណ្ឌលកោះពេជ្រ សម្ដេចនាយករដ្ឋមន្ដ្រី ហ៊ុន សែន
ក្នុងឱកាសអញ្ជើញជាអធិបតីភាព ទិវាប្រយុទ្ធប្រឆាំងគ្រឿងញៀន បានមានប្រសាសន៍ថា សម្ដេចបានណែនាំឲ្យ ក្រសួងមហាផ្ទៃ និងស្ថាប័នពាក់ព័ន្ធពង្រាយ កន្លែងធ្វើលិខិតឆ្លងដែន នៅតាមខេត្ដ ផ្សេងទៀត ដូចជា កំពង់ចាម ព្រៃវែង ពោធិ៍សាត់ បន្ទាយ មាន ជ័យ និងខេត្ដកំពត ។ល។ ដើម្បីផ្ដល់ភាពងាយស្រួលដល់ប្រជាពលករ ទៅធ្វើ នៅក្នុងខេត្ដរបស់ខ្លួន និងមិនចាំបាច់ចំណាយប្រាក់បន្ថែមទៀត សម្រាប់ការធ្វើដំណើរមកធ្វើ ធ្វើលិខិតឆ្លងដែននៅរាជធានីភ្នំពេញ និងនៅខេត្ដបាត់ដំបង។
សម្ដេចតេជោ បានបញ្ជាក់បន្ថែមទៀតថា នៅជំហានខាងមុខ អាចនឹងពិនិត្យមើល លទ្ធភាពកន្លែងធ្វើ លិខិតឆ្លងដែនទាំង២៥ ខេត្ដ ក្រុងតែម្ដង ។
សម្រាប់ប្រជាពលរដ្ឋដែលមានរូបថតខ្លួនឯងនោះ សម្ដេចនាយករដ្ឋមន្ដ្រី បានណែនាំដល់ស្ថាប័ន និងមន្ដ្រីពាក់ ព័ន្ធថា មិនត្រូវបង់លុយ ៤ដុល្លារអាមេរិកឡើយ៕
មតិយោបល់