តាមការសិក្សាបានបង្ហាញថាមនុស្សប្រមាណ ៨៥ ភាគរយបានដាក់ពាក្យសុំការងារ ហើយបានបោះបង់ចោលវិញ។ ពួកគេដាក់ពាក្យខុសជំនាញ មានកំហុសឆ្គងអក្ខរាវិរុទ្ធនៅក្នុងប្រវត្តិរូបសង្ខេបរបស់ខ្លួន, ប្រើប្រាស់ឯកសារធម្មតាៗ, មកសម្ភាសការងារយឺត និងកំហុសឆ្គងច្រើនជាងនេះទៀត។ ការពិតនេះជាព័ត៌មានល្អសម្រាប់អ្នក! គ្មានអ្វីប្រសើរជាងសមត្ថភាពដែលយើងមាន គួបផ្សំជាមួយនឹងការរៀបចំខ្លួនឲ្យសមស្រប់ទៅនឹងអ្វីដែលគេចង់បាននោះទេ។
ខាងក្រោមនេះគឺជាអ្វីដែលបេក្ខជនត្រូវធ្វើមុនពេលចូលរួមសម្ភាសន៍៖
– អានគ្រប់ព័ត៌មានទាំងអស់ ទាក់ទងនឹងដំណឹងជ្រើសបុគ្គលិក។
– ស្វែងយល់ពីផលិតផល និងសេវារបស់ក្រុមហ៊ុន។
– ទទួលយកចំណេះដឹងមូលដ្ឋានគ្រឹះ មួយចំនួនពីឧស្សាហកម្ម និងសិក្សាពីនិន្នាការរបស់គេ។
– សិក្សាពីភាពខ្លាំង និងភាពខ្សោយរបស់ក្រុមហ៊ុន។
ការត្រួតពិនិត្យ៖ ត្រៀមប្រវត្តិរូបសង្ខេប និងធ្វើការត្រួតពិនិត្យឯកសារម្តងហើយ ម្តងទៀត។ ត្រូវប្រាកដថាគ្មានកំហុសអក្ខរាវិរុទ្ធ ឬកំហុសវេយ្យាករណ៍នៅក្នុងប្រវត្តិរូបសង្ខេបរបស់អ្នក។
ការហាត់សម៖ មុនពេលចេញទៅសម្ភាសន៍ ត្រូវគិតអំពីអ្វី ដែលអ្នកនឹងត្រូវនិយាយ។
– ហៅមិត្តភក្តិមកជួយធ្វើជាអ្នកសម្ភាសន៍។
– ហាត់សម និងអនុវត្តចម្លើយរបស់អ្នក។
ការស្លៀកពាក់៖ ត្រូវស្លៀកពាក់ឲ្យមើលទៅគួរឲ្យគោរព! ត្រូវមើលទៅអ្នកយ៉ាងហោចណាស់ ១០ ភាគរយល្អជាងអ្នកដែលត្រូវសម្ភាសអ្នក ដោយមិនគិតពីឋានៈការងារដែលអ្នកកំពុងតែដាក់ពាក្យសុំ។
ផ្ញើអំណរគុណក្រោយធ្វើការសម្ភាសន៍រួច៖ ត្រូវផ្ញើអំណរគុណតាមរយៈអ៊ីម៉ែល ឬក៏សំបុត្រក្រោយពីការសម្ភាសន៍រួច។ ជាមួយនឹងការរៀបចំបន្តិចបន្តួច និងការផ្ញើអំណរគុណដល់អ្នកសម្ភាសន៍ អ្នកនឹងទទួលបានសង្ឈឹម ១៥ ភាគរយបន្ថែពីលើអ្នកប្រកួតប្រជែងជាមួយអ្នក៕
មតិយោបល់