ភ្នំពេញៈ បុរសម្នាក់ជិះម៉ូតូដឹកសង្សារដើរលេងស្រាប់តែមានម៉ូតូមួយគ្រឿងមកបុកចំពាក់កណ្ដាលម៉ូតូ បណ្តាលឲ្យរបួសធ្ងន់ម្នាក់និងស្រាល២នាក់ ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី២៩ ខែមិថុនា ឆ្នាំ២០១៤ ត្រង់ចំណុចស្ដុបម៉ុងឌីយ៉ាល់ តាមបណ្ដោយដោយផ្លូវ ម៉ៅសេទុង កែងផ្លូវ២៣០ ស្ថិតក្នុងសង្កាត់បឹងស្រឡាង ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញគូរសង្សារមួយគូរ ជិះម៉ូតូមួយគ្រឿងម៉ាក ហុងដា អាអិចវ័ន ពណ៌ស ពាក់ស្លាក់លេខ ភ្នំពេញ 1BH-1136 ធ្វើដំណើរតាមបណ្តោយផ្លូវម៉ៅសេទង់ ទិសដៅពីជើងទៅត្បូង ខណៈមកដល់ចំណុចកើតហេតុក៏មានម៉ូតូគុបមួយគ្រឿង ពណ៌ទឹកប៊ិច ពាក់ស្លាកលេខ កណ្ដាល 1k-1264 ជិះដោយយុវជនម្នាក់ក្នុងល្បឿនយ៉ាងលឿន ទាំងស្ថានភាពស្រវឹង ធ្វើដំណើរតាមបណ្ដោយផ្លូវម៉ៅសេទង់ ទិសដៅពីត្បូងទៅជើង ក៏បត់ស្ដាំហើយក៏បុកចំពាក់កណ្ដាលម៉ូតូហុងដា អាអិចវ័ន បណ្តាលឲ្យបុរសម្នាក់បែកក្បាលរបួសធ្ងន់និងនារីសង្សាររបួសស្រាល ចំណែកយុវជនម្នាក់ជិះម៉ូតូអាគុបរងរបួសស្រាល បន្ទាប់ពីកើតហេតុយុវជននោះក៏ព្យាលយាមអូសម៉ូតូរបស់ខ្លួនរត់គេច តែត្រូវប្រជាពលរដ្ឋនៅទីនោះឃាត់ឲ្យនៅកន្លែងកើតហេតុ តែពេលដែលរថយន្ដសាមុយមកដល់យុវជននោះក៏ធ្វើជាដួលសន្លប់ហើយឲ្យរថយន្ដបញ្ចូនទៅមន្ទីរពេទ្យ។
ក្រោយពេលកើតហេតុសមត្ថកិច្ចបានយកចុះមកវាស់វែងយកម៉ូតូទាំង២គ្រឿងទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីធ្វើការដោះស្រាយតាមផ្លូវច្បាប់៕
មតិយោបល់