ចិន៖ស្ត្រីពោះធំម្នាក់រួចជីវិតបន្ទាប់ពីអ្នកបើកបររថភ្លើងជាន់ហ្វ្រាំងជាប់ ខណៈដែលនាងស្ថិតនៅក្រោមតួមុខនៃកងរថភ្លើង ដែលហៀបនឹងដំណើរការ ។
ថ្មីៗនេះដែរ មានហេតុការណ៍ដ៏ភ្ញាក់ផ្អើលមួយ បានកើតឡើង ខណៈដែលស្ត្រីមានផ្ទៃពោះម្នាក់មានស្មារតីវង្វេង ធ្លាក់ចូលទៅតំបន់ផ្លូវដែក ក្នុងទីក្រុង ប៉េកាំង។
មិនយូរប៉ុន្មាន ស្ត្រីដេលស្ថិតនៅតំបន់គ្រោះថ្នាក់បំផុត ត្រូវបាន បុគ្គលិករថភ្លើង ជួយបង្អាក់ដំណើរការរថភ្លើង ដោយឲ្យនាងឡើងមកតំបន់សុវត្ថិភាព ។
សាក្សីនៅកន្លែងកើតហេតុ បានឃើញសភាពបែបនោះបានឲ្យដឹងថា ពួកគេពិតជាភ័យខ្លាច នៅសល់តែមួយដង្ហើមចង្រិតទៀត តែប៉ុណ្ណោះ ស្ត្រីម្នាក់នោះ នឹងដាច់ជីវិតរួមទាំងកូនក្នុងផ្ទៃផងដែរ ។ ក្នុងអំឡុងពេលនោះ ស្ត្រីវង្វេងស្មារតីធ្លាក់ចូលកង់រថភ្លើងក៏បានដឹងខ្លួន ហើយក៏ដើរចេញពី ក្រោមតួរថភ្លើង ដែលហៀបនឹងដំណើរការ។
ប្រភពព័ត៌មាន Daily People បានឲ្យដឹងថា វាជារឿងសំណាងមួយក្នុង ១០០ ដែលស្ត្រីមានផ្ទៃពោះម្នាក់នោះ ដោយគ្រាន់តែរងរបួសស្រាល និងត្រូវបានគេនាំយកទៅកាន់មន្ទីរពេទ្យ ដម្បីព្យាបាល ។ គ្រូពេទ្យបាននិយាយថា ទារកក្នុងផ្ទៃពោះរបស់នាង បានរងផលប៉ះពាល់៕
មតិយោបល់