តាមបណ្តាញសង្គម Twitter បានឱ្យដឹងថា បុរសម្នាក់បានបូជាជីវិតដោយដុតខ្លូនឯង និងរងរបួសយ៉ាងធ្ងន់ធ្ងរ កាលពីថ្ងៃអាទិត្យ នៅក្នុងស្ថានីយ រថភ្លើង Shinjuku នៅទីក្រុងតូក្យូ ដើម្បីតវ៉ាប្រឆាំងនឹងការប៉ុនប៉ងរបស់រដ្ឋាភិបាលជប៉ុន ដែលអនុញ្ញាតឱ្យមានការប្រើប្រាស់សិទ្ធិវ័យការពាររួមគ្នា។
បុរសម្នាក់នោះ ដែលមានអាយុប្រហែល ហាសិបឆ្នាំ បានរិះគន់រដ្ឋាភិបាលរបស់លោក នាយករដ្ឋមន្ត្រីជប៉ុន Shinzo Abe និងកិច្ចខិតខំប្រឹងប្រែង របស់លោក ដើម្បីលុបចោលការហាមប្រាមសិទ្ធិស្វ័យការពាររួមគ្នា មុននឹងដុតខ្លួនឯង នៅលើស្ពានមួយដែលតភ្ជាប់អគារនានា នៅវេលាម៉ោង១៤ និង០០នាទី ម៉ោងក្នុងស្រុក។
ប៉ូលិសប្រចាំមូលដ្ឋានបានហ៊ុំព័ទ្ធតំបន់នោះ ហើយបានបដិសេធមិនផ្តល់ការបញ្ជាក់ដល់ស៊ីនហួ ប៉ុន្តែបើតាមសារព័ត៌មានក្នុងស្រុកបានឱ្យដឹងថា បុរសម្នាក់នោះរងរបួសធ្ងន់ធ្ងរនៅក្នុងឧបទ្ទេវហេតុនេះ។
ឧបទ្ទេវហេតុនេះបានកើតឡើង គឺពីរថ្ងៃបន្ទាប់ពីការដាក់ជូនដោយរដ្ឋាភិបាលជប៉ុននូវ សំណៅចុងក្រោយនៃសេចក្តីសម្រេចចិត្តនានា ផ្តោតលើការ ប្រើប្រាស់សិទ្ធិស្វ័យការពាររួមគ្នា ទៅឱ្យគណបក្សចម្រុះដែលកំពុងកាន់អំណាច។
សិទ្ធិស្វ័យការពាររួមគ្នា អនុញ្ញាតឱ្យកងកម្លាំងស្វ័យការពារជប៉ុន ធ្វើការប្រយុទ្ធនៅឯក្រៅប្រទេស ដែលនេះវាផ្ទុយទៅនឹងរដ្ឋធម្មនុញ្ញសន្តិភាព ស្តីពី ការមិនធ្វើសង្គ្រាមរបស់ប្រទេសជប៉ុន។
តាមការស្ទាបស្ទង់មតិនាពេលថ្មីៗនេះ របស់កាសែតជប៉ុន “Asahi Shimbun” ស្តីពីបញ្ហាដ៏ចម្រូងចម្រាស់នេះ បានឱ្យដឹងថា ប្រមាណ៦៧%នៃ ប្រជាជនជប៉ុន ប្រឆាំងទៅនឹងការលុបចោលការហាមប្រាមសិទ្ធិស្វ័យការពារ តាមរយៈការបកស្រាយឡើងវិញនៃរដ្ឋធម្មនុញ្ញ និង៥៦%នៃប្រជាជន ជប៉ុន បានប្រឆាំងទៅនឹងការលុបចោលនៃការហាមប្រាមនេះ បើទោះបីជប្រើប្រាស់ មធ្យោបាយណាក៏ដោយ ចំពោះបញ្ហានេះ៕
មតិយោបល់