ភ្នំពេញ៖ សំណង់ស្ពានអាសស្ទឹងមានជ័យ ដែលសំរេចការសាងសង់ជិតរួចរាល់ នឹងគ្រោងដាក់ឲ្យប្រជាជនធ្វើដំណើរ នាថ្ងៃទី៣១ ខែកក្កដា ឆ្នាំ២០១៤ ខាងមុខ ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។ លោក សាំង ពិសិដ្ឋ ប្រធានមន្ទីរសាធារណៈការ និងដឹកជញ្ជូន ធ្លាប់បានប្រាប់អ្នកសារព័ត៌មានយើងកន្លងមកថា៖
ប្រជាពលរដ្ឋនៅតាមបណ្តាខេត្តមួយចំនួន ដែលត្រូវធ្វើដំណើរឆ្លងកាត់ម្តុំស្ទឹងមានជ័យ ក្នុងទឹកដីខណ្ឌមានជ័យ និងពលរដ្ឋមានទីលំនៅក្បែរនោះ នឹងមានភាពងាយស្រួលដោយមិនចាំបាច់កកស្ទះ ចរាចរណ៍ទៀតទេ ។ តាមគម្រោងស្ពានអាកាសស្ទឹងមានជ័យ ត្រូវសាងសង់ស្ពានសរុបចំនួន ៥ខ្សែ ក្នុង នោះមានស្ពានមេ១ខ្សែ ស្ពានតូចចំនួន៣ខ្សែ និងស្ពានក្រោមដីចំនួន១ខ្សែ។
សូមបញ្ជាក់ថា ស្ពានអាកាសស្ទឹងមាន ជ័យ ត្រូវបានបើកការដ្ឋានស្ថាបនាជាផ្លូវការ កាលពីថ្ងៃទី២៦ ខែវិច្ឆិកា ឆ្នាំ២០១២ កន្លងទៅ ក្រោមអធិបតីភាពដ៏ខ្ពង់ខ្ពស់របស់ សម្ដេចតេជោ ហ៊ុន សែន នាយករដ្ឋមន្ដ្រីនៃ កម្ពុជា ហើយតាមគម្រោងស្ពាននេះនឹង សាងសង់រួចជាស្ថាពរ ក្នុងរយៈពេល ២៨ខែ ដោយចំណាយថវិកា ប្រមាណ ១៩លាន ដុល្លារ ក្នុងកញ្ចប់ថវិកាមកពីការវិនិយោគ តំបន់អភិវឌ្ឍន៍ជ្រោយចង្វារ របស់ក្រុមហ៊ុន អូស៊ីអាយស៊ី ដែលជាផ្នែកមួយនៃការអនុ វត្ដគោលការណ៍យកក្រុងចិញ្ចឹមក្រុង ៕
មតិយោបល់