ចំនួនភ្ញៀវទេសចរអន្តរជាតិ ដែលចូលមកកាន់ខេត្តក្រចេះ មានចំនួន ១២.៦៦២ នាក់គឺមានចំនួនកើនឡើប្រមាណ ៩.៧១% បើប្រៀបធៀប និងរយៈពេល ដូចគ្នាឆ្នាំ ២០១៣ ដែលមានចំនួនតែ ១១.៥៤១ នាក់ សម្រាប់ ឆមាសទី ១ ឆ្នាំ ២០១៤ នេះ ។
លោក រុន ភារ៉ា ប្រធានមន្ទីរទេសចរណ៍ខេត្តក្រចេះបានឲ្យដឹងថា ក្នុងរយៈពេលប៉ុន្មាន ឆ្នាំចុងក្រោយនេះចំនួនភ្ញៀវទេសចរអន្តរជាតិមានការ កើនឡើងប្រមាណពី ១៥% ទៅ ២០% ក្នុង មួយឆ្នាំៗ ។ លោកបានឲ្យដឹងទៀតថា ចំពោះប្រភពទីផ្សារទេសចរណ៍វិញគឺតំបន់អឺរុបបានដើរតួ សំខាន់ជាងគេ បន្ទាប់មកគឺតំបន់អាស៊ីប៉ាស៊ីហិ្វក និងតំបន់អាម៉េរិក ហើយជនជាតិដែលតែងតែ នាំមុខគេ និងមានចំនួនច្រើនជាងគេគឺជានជាតិបារាំង ដែលមួយឆ្នាំៗមានចំនួនមិនតិចជាង ៤.០០០ នាក់ទេ ។ លោក រុន ភារ៉ា បញ្ជាក់ថា ការកើនឡើងនៃចំនួនភ្ញៀវទេសចរជាតិ និងទេស ចរអន្តរជាតិបានបង្ហាញឲ្យឃើញថា ខេត្តក្រចេះគឺជាខេត្តមួយ ដែលមានសក្តានុពលវិស័យទេស ចរណ៍ដែលសម្បូរទៅដោយធម្មជាតិស្រស់បំព្រង ព្រមទាំងមានកន្លែងកម្សាន្តជាច្រើន ដែលធ្វើ ឲ្យវិស័យទេសចរណ៍ខេត្តក្រចេះ បាននិងកំពុងអភិវឌ្ឍន៍រីកចម្រើនគួរជាទីមោទនៈ ។
ជាមួយគ្នានេះដែរការកើនឡើងនៃចំនួនភ្ញៀវទេសចរវាក៍បានចង្អុលបង្ហាញថា កម្រិតជីវ ភាពប្រជាពលរដ្ឋកាន់តែមានភាពល្អប្រសើរឡើងរួម និងការអភិវឌ្ឍន៍ផលិតផលទេសចរណ៍មួយ ចំនួនបានល្អ រួមទាំងសេវាកម្មទេសចរណ៍នានាកំពុងត្រូវបានពង្រឹង ។ បច្ចុប្បន្នខេត្តក្រចេះមាន រមណីយដ្ឋានទេសចរណ៍ ១៦ កន្លែងក្នុងនោះរមណីយដ្ឋានទេសចរណ៍វប្បធម៌ប្រវត្តិសាស្ត្រ ៦ កន្លែង រមណីយដ្ឋានធម្មជាតិ ៩ កន្លែង រមណីយដ្ឋានកែច្នៃ ១ កន្លែង និងសហគមន៍ទេសចរណ៍ ៤ កន្លែង ។ ខេត្តក្រចេះមានសណ្ឋាគារចំនួន ១៣ ស្មើនឹង ៥៤៧ បន្ទប់ ផ្ទះសំណាក់ ៣៤ កន្លែង ស្មើនឹង ៣៩២ បន្ទប់ ។
បញ្ជាក់ផងដែរថា ក្នុងឆ្នាំ ២០១៣ កន្លងទៅខេត្តក្រចេះទទួលបាន ភ្ញៀវទេសចរអន្តរជាតិសរុប ២២.៧៦៦ នាក់ដែលចំនួននេះក៏មានការកើនឡើងចំនួន ៣.០៥២ នាក់ បើប្រៀបធៀបនិងឆ្នាំ ២០១២ ដែលមានចំនួនសរុបត្រឹមតែ ១៩.៧១៤ នាក់ ។
មតិយោបល់