ភ្នំពេញ ៖ រថយន្តមួយគ្រឿងដែលគេស្គាលថាម៉ាកឡិចស៊ីស RX300 បានបើកទៅបុកម៉ូតូមួយគ្រឿង ពីក្រោយបណ្ដាលឲ្យបុរសម្នាក់រងរបួសបាក់ជើងម្ខាងហើយរថយន្តបង្កបើកគេចខ្លួនបាត់ស្រមោលកាលពីវេលាម៉ោង៩ និង១០នាទីយប់ថ្ងៃទី០៣ ខែកក្កដា ឆ្នាំ២០១៤ នៅតាមបណ្ដោយផ្លូវ លេខ១៨២ស្ថិតក្នុងសង្កាត់ទឹកល្អក់២ ខណ្ឌទួលគោក។
តាមសាក្សីពីស្ត្រីម្នាក់ជាអ្នកលក់ផ្លែឈើនៅក្បែរកន្លែងកើតហេតុបានឲ្យដឹងថា មុនពេលកើតហេតុ គាត់បានឃើញម៉ូតូមួយគ្រឿងម៉ាកហុងដាឌ្រិម ធុនសេ១២៥ ពណ៌ខ្មៅ ពាក់ស្លាកលេខភ្នំពេញ1Q-9244 បានធ្វើដំណើរតាមបណ្ដោយផ្លូវលេខ១៨២ ក្នុងទិសដៅពីកើតទៅលិចលុះមកដល់ ចំណុចកើតហេតុស្រាប់តែមានរថយន្តមួយគ្រឿងម៉ាកឡិចស៊ីស RX300ពណ៌ ស្ករមិនមាន ស្លាកលេខ បានធ្វើដំណើរស្របទិសគ្នាបានបុកចំពីក្រោយពេញទំហឹងបណ្ដាលឲ្យបុរសម្នាក់ ដែលជាម្ចាស់ម៉ូតូ រងរបួសបាក់ជើងម្ខាងធ្ងន់ធ្ងរហើយចំណែករថយន្តបង្កវិញបានបន្តល្បឿនបើកគេចខ្លួនបាត់ស្រមោល ពីកន្លែងភ្លាមៗ។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះនៅមន្ទីរពេទ្យភ្លាមចំណែកម៉ូតូជនរងគ្រោះបានរងការខូចខាត់យ៉ាងដំណំត្រូវបានសមត្ថកិច្ចយកទៅរក្សាទុក នៅអធិការដ្ឋាននគរបាលខណ្ឌទួលគោកដើម្បីរងចាំក្រុមគ្រួសារមកទទួលយកទៅវិញ៕
ទស្សនាឃ្លិបដូចខាងក្រោមនេះ៖
មតិយោបល់