ការចំណាយលើប្រេងសាំង និងផ្លាស់ប្តូរ ខណៈដែលលោកអ្នកធ្វើតាម ៨ ជំហាន ដែលបង្ហាញដូចខាងក្រោមនេះ ៖
១. រក្សាល្បឿនបើកបរ
បើសិនជាការធ្វើដំណើររបស់អ្នកដោយប្រើល្បឿនលឿននិងមិនថេរ ប្រេងសាំងដែលប្រើប្រាស់លើរថយន្តរបស់អ្នកនិងកើនឡើងមួយរំពេច ។ ការបង្កើនល្បឿនក្នុងអំឡុងពេលបើកបរ នឹងធ្វើឲ្យអ្នកខាតបង់ទឹកប្រាក់ ដោយឈានទៅរកការប្រើប្រាស់ ប្រេងសាំងច្រើន ។ អ្នកវិទ្យាសាស្ត្របានប្រើប្រាស់វិធីសាស្ត្រជួយដល់អ្នកដើម្បីសន្សំសំចៃប្រេងសាំង ដោយតម្រូវឲ្យបើក ៤០ គីឡូម៉ែត្រក្នុងមួយម៉ោង ដោយល្បឿននេះ មិនលឿនពេក មិនយឺតពេក អាចអនុវត្តនៅពេលដែលអ្នកអាចធ្វើបាន។
២.កំណត់លេខឲ្យជាក់លាក់
មនុស្សជាច្រើន ជាពិសេសស្ត្រីតែម្តង ដែលធ្វើដំណើរ ចូលចិត្តបើកលឿន ឬយឺត ក៏ប៉ុន្តែពេលដែលធ្វើដំណើរលើជម្រាល ឬជួបឧបសគ្គ ដោយមិនបានកំណត់លេខរថយន្តឲ្យជាក់លាក់ ដោយបើកទាំង លេខ ៣ និង លេខ ៤ ដែលធ្វើឲ្យក្លាយជាទំលាប់ប្រើប្រាស់ប្រេងសាំងច្រើន និងបន្តចំណាយច្រើនផងដែរ ។
ដើម្បីចៀសវាងបញ្ហាទាំងនេះ ស្ត្រីគួរតែបើកទៅតាមស្ថានភាពដែលជួប ជាពិសេសឡើងជម្រាល ដោយគួរតែសាងលេខ ១ ឬលេខ ២ វិញ ដែលវាជួយកាត់បន្ថយប្រេងសាំង ជាជាងប្រើប្រាស់លេខ ចុងក្រោយដើម្បីឡើងទួល ឬឈប់ស្តុបជាដើម។
៣. ពន្លត់ម៉ាស៊ីននៅពេលដែលអ្នកឈប់
ក្នុងអំឡុងពេលភ្លើងស្តុប ៣០ វិនាទី ឬ ៤០ វិនាទី អ្នកធ្វើដំណើរគួរតែពន្លត់ម៉ាស៊ីន ដែលវាអាចជួយឲ្យអ្នកអាចសន្សំប្រេងសាំង ជាជាង ដំណើរការខណៈដែលភ្លើងស្តុបនោះ។
៤.ស្ថានភាពសំបកកង់រថយន្ត
ការពិសោធន៍បានបង្ហាញឲ្យឃើញថា នៅពេលដែលកង់រថយន្តរបស់អ្នក មានភាពតឹងណែន ខ្យល់ពេញ នោះវានឹងកាត់បន្ថយការប្រើប្រាស់ប្រេងសាំង ២០ ភាគរយ ។ ជាធម្មតាសំបកកង់រថយន្ត ត្រូវបូមឲ្យណែនទៅតាមមាត្រដ្ឋាន ដោយកង់ខាងក្រោយទម្ងន់ខ្យល់ដែលបូម គឺ ៣ គីឡូក្រាម និង កង់ខាងមុខគឺ ២,៣ គីឡូក្រាម។
៥. ការជួសជុស និងត្រួតពិនិត្យលើរថយន្ត
អ្នកប្រើប្រាស់ម៉ូតូ ជាទៀតទាត់ត្រូវពិនិត្យ ទៅលើ តម្រង់ខ្យល់ ដោយការសម្អាត ឬជំនួសរបស់ថ្មី បើសិនជាខូចខាត ។ ជាងនេះទៅទៀតម្ចាស់រថយន្ត ត្រូវ ដាក់តារាងពេលវេលា ផ្លាស់ប្តូរ ប្រេងខ្មៅ ដែលវាជាអាយុជីវិតរបស់ម៉ាស៊ីន ដើម្បីជៀសវាង ការខូចខាត ដោយសារតែកម្តៅកកិត។
៦. ការផ្លាស់ប្តូរប្រេង
បន្ទាប់ពីប្រើប្រាស់ចម្ងាយពី ១០០០ ទៅ ១៥០០ គីឡូម៉ែត្រ ម្ចាស់រថយន្ត ត្រូវតែជំនួសនូវភាពល្អកកករ ។ កុំរក្សាទុកប្រេងនោះដោយសារតែការធ្វើតេស្ត ឬសន្សំសំចៃ ពេកវាមិនល្អសម្រាប់ម៉ាស៊ីននោះទេ ដោយការផ្លាស់ប្តូរប្រេងថ្មីវានឹងជួយរក្សាជីវិតម៉ាស៊ីនរថយន្តរបស់លោកអ្នក។
៧. ជៀសវាងធ្វើដំណើរលើផ្លូគ្រហុក
ការធ្វើដំណើរទៅតាមផ្លូវដែលលំបាក ប្រឈមនឹងការប្រើប្រាស់ប្រេងសាំងច្រើន ធ្វើឲ្យរថយន្តបាត់បង់សក្តានុពល តែបើជាករណីចាំបាច់ត្រូវតែធ្វើដំណើរលើផ្លូវគ្រហុក និងលំបាកគួរតែធ្វើដំណើរដោយសន្សឹមៗ វានឹងមិនចំណាយប្រេងសឹងច្រើន។
៨. កាត់បន្ថយចំនួនដែលផ្ទុកលើរថយន្ត
ទម្ងន់ដ៏ធ្ងន់ នឹងធ្វើឲ្យម៉ាស៊ីនធ្វើការធ្ងន់ និងលំបាក និងប្រើប្រាស់ប្រេងសាំងច្រើន ។ តែប្រសិនបើមិនមែនស្ថិតក្នុងគោលបំណងដឹកជញ្ជូននោះទេ មិនគួរទុកសម្ភារៈដែលមិនចាំបាច់លើរថយន្តឡើយ៕
មតិយោបល់