Samsung Electronics Co ជាក្រុមហ៊ុនផលិតស្មាតហ្វូនធំបំផុតនៅក្នុងពិភពលោក នឹងត្រូវស៊ើបអង្កេតដោយក្រុមអ្នកឃ្លាំមើលសិទ្ធិពលកម្ម ដោយសារតែក្រុមហ៊ុនផ្គត់ផ្គង់នៅក្នុងប្រទេសចិនបានប្រើកម្មករមិនទាន់គ្រប់អាយុក្នុងការផលិតទូរស័ព្ទ និងផ្នែកផ្សេងៗទៀត។
តំណាងក្រុមហ៊ុន Samsung បានឆ្លើយយបតាមរយៈអ៊ីមេលថា “ក្រុមហ៊ុននឹងចាត់វិធានការសមរម្យ ស្របតាមគោលនយោបាយរបស់យើងដើម្បីការពារករណីណាមួយនៃពលកម្មកុមារ”។ ក្រុមអ្នកឃ្លាំមើលបាននិយាយថា យ៉ាងហោចណាស់មានកម្មករ ៥នាក់ មានអាយុក្រោម ១៦ឆ្នាំ បានធ្វើការនៅក្នុងរោងចក្រ Dongguan នៅក្នុងប្រទេសចិន ហើយទិន្នន័យនេះត្រូវបានបង្ហាញឡើយក្រោយពេលមានការស៊ើបអង្កេតដោយសំខាន់។
គួរបញ្ជាក់ផងដែរថា បញ្ហាខាងលើនេះ បានកើតមានឡើងជារៀងរាល់ឆ្នាំសម្រាប់ក្រុមហ៊ុន Samsung នៅក្នុងប្រទេសចិន ប៉ុន្តែក្រោយពីការស៊ើបអង្កេតរួច ពុំឃើញមានដូចការលើកឡើងរបស់ក្រុមអ្នកឃ្លាំមើលឡើយ៕
មតិយោបល់