ភ្នំពេញ៖ ដើម្បីបង្កភាពងាយស្រួល មន្ទីរសាធារណការ និងដឹកជញ្ជូនរាជធានីភ្នំពេញ បានសម្រេចរាល់ការធ្វើស្លាកលេខម៉ូតូ ត្រូវបានធ្វើនៅតាមសាលាខណ្ឌទាំងអស់នៅក្នុងរាជធានីភ្នំពេញ។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី១០ ខែកក្កដា នេះថា រាល់ការធ្វើស្លាកលេខម៉ូតូ បានចាប់ផ្តើមអនុវត្ត នៅគ្រប់សាលាខណ្ឌ នៅក្នុងរាជធានីភ្នំពេញ ដើម្បីបង្កភាពងាយស្រួល ដល់ប្រជាពលរដ្ឋ ក្នុងការចុះឈ្មោះធ្វើស្លាកលេខ។
លោកបានបញ្ជាក់ទៀតថា មានខណ្ឌមួយចំនួនបានចាប់ផ្តើមបម្រើសេវាដល់បងប្អូន ប្រជាពលរដ្ឋហើយ ដោយឡែកខណ្ឌមួយចំនួនទៀត ដូចជា ខណ្ឌសែនសុខ កំពុងរៀបចំ៕
មតិយោបល់