ក្រុមហ៊ុនផលិតរថយន្ត Chrysler នៅថ្ងៃអង្គារ បានថ្លែងឲ្យដឹងថា ខ្លួននឹងធ្វើការប្រមូលរថយន្តប្រមាណជាង ៧៩២.៣០០គ្រឿង ដើម្បីធ្វើការជួសជុលទៅលើប្រអប់បញ្ឆេះ ពោលគឺបញ្ហាដូចគ្នាទៅនឹង General Motors។
រថយន្តដែលត្រូវប៉ះពាល់នោះរួមានម៉ូដែល Jeep Commander ផលិតសម្រាប់ឆ្នាំ 2006-2007 និងម៉ូដែល Jeep Grand Cherokee SUVs ផលិតឡើងសម្រាប់ឆ្នាំ 2005-2007។
ក្រុមហ៊ុន Chrysler បានទទួលដំណឹងពីបញ្ហានេះ តាំងពីខែមិថុនាមកម្ល៉េះ ដោយសារតែមានរបាយការណ៍បញ្ជាក់ពី ការិយាល័យសុវត្ថិភាពចរាចរណ៍ផ្លូវគោលជាតិ ថារថយន្តខាងលើគឺមានបញ្ហាប្រអប់បញ្ឆេះ ហើយនៅក្នុងរបាយការណ៍ក៏បានបញ្ជាក់ថា បញ្ហានេះមិនបានធ្វើឲ្យមានគ្រោះថ្នាក់ឡើយ៕
មតិយោបល់