យើងមិនប្រាកដទាំងស្រុងនោះទេ បើសិននេះគឹជាអ្វីដែលមិនចេញពីច្បាប់កីឡានោះ ប៉ុន្តែ អ្វីទាំងនេះ ត្រូវបានចេញផ្សាយ ដោយ FIFA 2015 ដែលកំពុងសាយភាយលើអ៊ីនធឺណេត ។នេះបើយោងតាមសារព័ត៌មាន caughtoffside ចុះផ្សាយនៅថ្ងៃទី ២៥ ខែ កក្កដានេះ។
ម្ចាស់ពានរង្វាន់ Ballon D’or កីឡាករ Cristiano Ronaldo បានឈានដល់កម្រិតលេង កើនឡើង ដល់ ៩៤ ស្មើនិង Messi ខណៈដែល កីឡាករថ្មីរបស់ Barcelona និងជាម្ចាស់ពានរង្វាន់ពានធ្មេញមាស (នាមក្រៅ) Luis Suarez ស្ថិតនៅកម្រិតលេងតែ ៩០ តែប៉ុណ្ណោះ ។
សម្រាប់កីឡាករដែលបំបែកកំណត់ត្រាពិភពលោក ដោយមានតម្លៃខ្លួនថ្លៃបំផុត Gareth Bale បានត្រឹមតែ ៨៩ បន្ទាប់ពីឈ្នះពាន Champions League ហើយអ្នកដែលទើបតែកុងត្រាថ្មី James Rodriguez កម្រិតលេងបានតែ ៨៩ ក្រោយពីរកគ្រាប់បាល់បាន ៦ គ្រាប់នៅ World Cup នោះ ។
បញ្ជាក់ផងដែរថា កម្រិតលេង ដល់ ៩៤ នេះ គឺ ផ្អែកទៅលើកម្រិត បណ្តើរបាល់ ស៊ុតប៉េណ័លទី ស៊ុតហ្វ្រីហ្គិត ស៊ុតបាល់ពីចំនាយ ស៊ុត ខន័រ ប្រើក្បាលតែត និង ចំណុចផ្សេងៗជាច្រើនទៀត ដោយបូករួមផ្សំ ទើបអាចចេញជាកម្រិតលេងនេះបាន៕
មតិយោបល់