ភ្នំពេញ ៖ បុរសម្នាក់បានបើកម៉ូតូស្មាសក្នុងល្បឿនលឿន ហើយមានជាតិស្រាក្នុងខ្លួនទៀតនោះ បានជិះទៅបុកម៉ូតូ ហុងដា ឌ្រឹមធុនសេ១២៥ កំពុងធ្វើដំណើរពីមុខយ៉ាង ពេញទំហឹងកាលពីវេលាម៉ោង១០និង១០នាទីយប់ថ្ងៃទី២៨ខែកក្កដា ឆ្នាំ២០១៤ តាមបណ្តោយផ្លូវលេខ ១៥៥ កែងផ្លូវលេខ ៤៥៦ ក្នុងសង្កាត់ទួលទំពង ខណ្ឌចំការមន ។
យោងតាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញ ម៉ូតូស្មាសពណ៌សលាយ ខ្មៅ ពាក់ស្លាក់លេខ កំពង់ឆ្នាំង 1B-0975 បើកបរដោយបុរសម្នាក់មិនស្គាល់អត្តសញ្ញាណម្នាក់ បានជិះធ្វើដំណើរតាមបណ្ណោយផ្លូវ លេខ៤៥៦ ក្នុងទិសដៅពី កើតទៅលិច ក្នុងល្បឿនលឿន។
លុះមកដល់ចំណុចកើតហេតុកែងនិងផ្លូវ១៥៥ ក៏ជ្រុលចង្កូតទៅបុកម៉ូតូ ហុងដា ឌ្រឹមធុនសេ១២៥ មួយគ្រឿង ពណ៌ ខ្មៅ ពាក់ស្លាក់លេខកំពង់ចាម1H-2772 បើកបរដោយបុរសម្នាក់ដែរកំពុងធ្វើដំណើរស្របទិសនៅពីក៏ត្រូវម៉ូតូស្មាស់មកបុកចំកន្ទុយក្រោយបណ្តាលឲ្យម៉ូតូទាំងពីររងកាខូចខាតហើយចំណែកអ្នកបើកបរវិញគ្រាន់តែរបួសបន្តិចបន្តួចប៉ុណ្ណោះ ។ បន្ទាប់ពីកើតហេតុបុរសដែលជាម្ចាស់ ម៉ូតូស្មាសដោយដឹងថាខ្លួនជាអ្នកខុសក៏បានលើម្រាមដៃ១០ សំពះ ទៅបុរសដែលជាម្ចាស់ម៉ូតូ ហុងដា ឌ្រឹមធុនសេ១២៥ ឲ្យលើកលែងទោសឲ្យរូបគេផង ព្រោះគេមិនមានចេតនាបង្កឲ្យមានគ្រោះថ្នាក់បែបនេះឡើយ។ ទោះជាមានការអង្វរពីម្ចាស់ម៉ូតូស្មាស់យ៉ាងណាក៏ដោយ ក៏ម្ចាសម៉ូតូ ហុងដា ឌ្រឹមធុនសេ១២៥ ក៏មិនព្រមបញ្ចប់ដែល ។
ក្រោយពេលកើតហេតុម៉ូតូទាំងពីរគ្រឿងត្រូវបាន សមត្ថកិច្ចខណ្ឌចំការមន យកទៅរក្សាទុកនៅអធិការដ្ឋានខណ្ឌសែនសុខរង់ចាំការដោះស្រាយទៅតាមផ្លូវច្បាប់នាពេលក្រោយ ៕
មតិយោបល់