ភ្នំពេញ ៖ បុរសនារី 2 នាក់រវល់តែប្រឡែងគ្នាក្នុងរថយន្តកំពុងបើកបរបានជ្រុលចង្កូតបុករបាំងថ្មពុះចែកទ្រូងផ្លូវចំពេញទំហឹងធ្វើអោយរថយន្តរងការខូចខាតផ្នែកខាងមុខ ហេតុការណ៍នេះបានកើតឡើងកាលពីវេលាម៉ោង9និង40នាទីយប់ថ្ងៃទី30ខែកក្កដាឆ្នាំ2014 ត្រង់ចំណុចមុខវិទ្យាល័យបាក់ទូក តាមបណ្ដោយផ្លូវលេខ169 ស្ថិតក្នុងសង្កាត់វាលវង់ ខណ្ឌ7មករា។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេឃើញបុរសនារី2នាក់ជិះរថយន្តមួយគ្រឿងម៉ាកតូយ៉ូតា កាមរី ពណ៌សំបកឪឡឹក ពាក់ស្លាកលេខ ច6588 ភព2 ធ្វើដំណើរតាបណ្ដោយផ្លូវលេខ169 ទិសដៅពីត្បូងទៅជើង ស្រាប់តែមកដល់ចំណុចកើតហេតុរថយន្តក៏បានរេចង្កូតបុករបាំងថ្មពុះចែកទ្រូងផ្លវចំពេញទំហឹងធ្វើអោយរថយន្តរងការខូចខាត ចំណែករបាំងថ្មពុះមានរងការខូចខាតអ្វីនោះទេ។
បន្ទាប់ពីកើតហេតុបុរសនិងនារីដែលជិះរថយន្តមិនមានរងរបួសនោះទេបានបើកទ្វាររថយន្តចុះមកហើយរត់គេចបាត់។
ក្រោយកើតហេតុរថយន្តបង្កត្រូវបានសមត្ថកិច្ចស្ទូចយកមករក្សាទុកនៅអធិការដ្ឋាននគរបាលខណ្ឌ 7 មករាដើម្បីធ្វើការដោះស្រាយតាមផ្លូវច្បាប់៕
មតិយោបល់