ភ្នំពេញ៖ អគ្គិភ័យឆាបឆេះបង្គោលភ្លើងបង្កឲ្យមានការភ្ងាក់ផ្អើលទាំងយប់ នៅចំណុចហាង The Pizza Company ផ្អើលប្រជាពលរដ្ធទាំងយប់នាំគ្នាពន្លត់ កាលពីវេលាម៉ោង ១០និង៤០នាទី យប់ ថ្ងៃ ទី ៣០ខែកក្កដាឆ្នាំ២០១៤ តាមបណ្តោយផ្លូវព្រះមុនីរ៉េ (២១៧) ស្ថិតក្នុង សង្កាត់ស្ទឹងមានជ័យ ខណ្ឌមានជ័យ។
តាមព័ត៌មានពីសមត្ថកិច្ច បានបញ្ជាក់ថា អគ្គិភ័យឆាបឆេះបង្គោលភ្លើងនោះ បានឆាបឆេះពីបង្គោលភ្លើង ធំ នៅក្បែរហាង The Pizza Company ក៏ធ្វើឲ្យមានការភ្ងាក់ផ្អើលពីប្រជាពលរដ្ធដែលរស់នៅក្បែរ កន្លែង កើតហេតុនេះ នាំគ្នាជួយយកធុងពន្លត់អគ្គិភ័យ មកបាញ់បង្គោលដែលកំពុងត្រូវភ្លើងឆាបឆេះនេះ ឲ្យរលត់តែ ភ្លើងនៅតែឆេះដដែល ហើយភ្លាមៗនោះសមត្ថកិច្ចក៏បានចុះមកអន្តរាគមន៍ និងព្យាយាម យកធុងអគ្គិភ័យមកបាញ់ ពន្លត់បង្គោលកំពុងឆាបឆេះ ឲ្យរលត់ទៅ វិញប្រហែលជា ជិតកន្លះម៉ោង ។ ទោះជាយ៉ាង ណា សមត្ថកិច្ច ក៏បានទំនាក់ ទំនង ទៅផ្នែកជំនាញ E.D.C ឲ្យចុះមកត្រួតពិនិត្យ បង្គោល ភ្លើង ថាហេតុបានជាឆ្លង ភ្លើង ឆេះបែបនេះ ហើយអ្នក ជំនាញ E.D.C ក៏បានចុះមក ត្រួតពិនិត្យ ផងដែរ៕
មតិយោបល់