ភ្នំពេញ៖ក្រោយការដោះស្រាយ វិបត្តិនយោបាយ ដោយអូសបន្លាយ ជិត ១ ឆ្នាំ កាលពីថ្ងៃទី ២២ ខែ ក្កក្កដា កន្លងទៅនេះ យើងសង្កេតឃើញ សភាពការណ៍តានតឹង បង្ហូរឈាមរវាងបាតុករ និងប៉ូលិស ត្រូវបញ្ឈប់ទាំងស្រុង ដោយប្រែក្លាយស្ថានភាពនោះ មកជាចំណុចប្រក្រតី ដោយមានស្ថេរភាព និងសុវត្ថិភាពជាធម្មតា ។ក៏ប៉ុន្តែការដោះស្រាយវិបត្តិ នយោបាយ និងការឈានជើងចូលសភា របស់ សម រង្ស៊ី និង កឹម សុខា បានធ្វើឲ្យ អ្នកគាំទ្រ គណបក្សសង្គ្រោះជាតិមួយចំនួន ធំ នៅមិនស្ងៀម បក់មិនល្អើយថាចាញ់បោក អ្នកនយោបាយទាំងពីរខាងលើ ដោយលេបសម្តី ដែលខ្លួនបាន និយាយ និង ចំណុចប្តេជ្ញាចិត្តរបស់បក្សដែលធ្វើកន្លងមក ។
ជាមួយនឹងការជេរប្រមាថ ទៅលើ ប្រធាន និងអនុប្រធានបក្ស សង្គ្រោះជាតិ ធ្វើឲ្យលោក សម រង្ស៊ី នៅ មិនស្ងៀម ដោយចេញមុខបកស្រាយ អង្វរ ដល់ប្រជាជនទាំងអស់ ឲ្យទុកឱកាសឲ្យខ្លួន ធ្វើការសិន ការចូលសភានេះមិនមែន ជាការចូលដៃ ចូលជើងជាមួយនឹងគណបក្ស កាន់អំណាច សព្វថ្ងៃនោះទេ តែជាការដោះស្រាយនូវវិបត្តិជាតិ ព្រោះគ្មានចំណុចណាល្អជាងចំណុចនេះឡើយ បើសិនជាយើងមិនចូលទេ អាណត្តិក្រោយទៀត យើងនៅតែចាញ់ប្រៀបគេ ។
បើទោះបីជាយ៉ាងនេះ ក្តី ការចូលសភា របស់គណបក្សសង្គ្រោះជាតិ ត្រូវបានអ្នកតាមដាន និង វិភាគនយោបាយ មួយចំនួនធំបាននិយាយថា ” អ្វីដែលបក្សសង្គ្រោះជាតិ ធ្វើមិនមែនធ្វើដើម្បីបក្សនោះទេ បើទោះបីខ្លួន យល់ឃើញថា នេះជាចំណុចល្អក៏ដោយ ព្រោះថាពេលនេះ បក្សសង្គ្រោះជាតិ កំពុងជ្រកក្រោមផ្ទះរបស់ គណបក្សកាន់អំណាចសព្វថ្ងៃ ពោលគឺគណបក្សប្រជាជនកម្ពុជា នោះមានន័យថាមិនខុសពី សមាជិករបស់បក្ស ប្រជាជនកម្ពុជាឡើយ ទោះ ខ្លួនធ្វើល្អ និងកែប្រែចំណុចខ្មៅយ៉ាងណាបានត្រឹមតែជាអ្នកនៅពីក្រោយខ្នង និងជាកាតាលីករបក្សប្រជាជនកម្ពុជាតែប៉ុណ្ណោះ ដែលវាមិនខុសពីពាក្យចាស់ពោលសថា “អ្នកឡើងបានតែបេះ អ្នកប្រឡេះ ចាំតែឆី” ” ។
ដរាបណា នយោបាយដើររបៀបនេះ ប្រធាន និងអនុប្រធានបក្សសង្គ្រោះជាតិ និងមិនអាចធ្វើជានាយករដ្ឋមន្ត្រី មួយជីវិត យើងនៅចាំថា កាលពី គណបក្សហ្វុនស៊ុនប៉ិច របស់សម្តេចក្រុមព្រះ នរោត្តមរណឬទ្ធិ ក៏មិនខុសពី គណបក្សសង្គ្រោះជាតិ នៅពេលនេះ នោះដែរ ដោយពេលនោះ គ្រាន់តែបែងចែក នាយករដ្ឋមន្ត្រីទី ១ និង ទី ២ តែប៉ុណ្ណោះ តែអ្នកដែលក្តោម
ស្ថានការណ៍ស្រុកទេស ទាំងការកាន់ទ័ពមិនមែន ជាទ្រង់ នរោត្តមរណឬទ្ធិ នោះទេ គឺ គណបក្សប្រជាជនកម្ពុជា សព្វថ្ងៃ ទៅវិញ ។
បញ្ច្រាសមកវិញ មួយក្បាច់ចុងក្រោយរបស់ គណបក្សប្រជាជនកម្ពុជា កំពុងតែធ្វើឲ្យ បក្សសង្គ្រោះជាតិ អស់ផ្លូវដើរ និងឈានដល់ចំណុចអវសាន្ត ដោយ “ព្រលែងខ្លា ឲ្យចូលព្រៃ សំលៀងចង្កោម រួចចាប់ខ្លា ដាក់ទ្រុងដកចង្កោម ” ។ ចំណុចនេះ បើទោះបីជាប្រើខ្លាឲ្យភ្ជួររាស់ដី ឬ អូសរទេះ ក៏សត្វខ្លាដែលខ្លាំង អស់សត្វព្រៃទាំងឡាយ មិនហានតបតឡើយ បានត្រឹមតែដើរអោនមុខ ខំអូសទៅមុខតែប៉ុណ្ណោះ។
បញ្ជាក់ផងដែរថា អត្ថបទនេះគ្រាន់តែការយល់ឃើញ និងដាស់តឿន ដល់ថ្នាក់ដឹកនាំសង្គ្រោះជាតិ តែប៉ុណ្ណោះ ៕
មតិយោបល់