នៅថ្ងៃពុធម្សិលមិញនេះ មានសេចក្ដីរាយការណ៍មក ថា រដ្ឋាភិបាលក្រុងប៉េកាំងបានចេញបទបប្បញ្ញត្តិថ្មីមិនអនុញ្ញាតឲ្យទីភ្នាក់ងាររដ្ឋាភិបាលគិតគូទៅលើការទិញផលិតផលប្រើប្រាស់ជាពិសេសគឺការទិញផលិតផលរបស់ក្រុមហ៊ុន Apple ។
យោងតាមការចុះផ្សាយរបស់ Bloomberg បានឲ្យដឹងថា iPad និង MacBook ក៏ត្រូវបានហាមមិនឲ្យប្រើនៅក្នុងស្ថាប័នទីភ្នាក់ងាររដ្ឋ ដូច្នេះមានន័យថា ចិនចាប់ផ្ដើមរឹតបន្ដឹងមែនទែនទៅលើការប្រើប្រាស់សេវាកម្ម និងផលិតផលរបស់បរទេស។
គួរបញ្ជាក់ផងដែរថា នៅសប្ដាហ៍មុន រដ្ឋាភិបាលប្រទេសចិនបានហាមមិនឲ្យប្រើប្រាស់កម្មវិធីកម្ចាត់មេរោគបរទេសមាន Symantec របស់អាមេរិក និង Kaspersky របស់រុស្ស៊ី និងបានណែនាំឲ្យងាកមកប្រើប្រាស់កម្មវិធីកម្ចាត់មេរោគដែលជាផលិតផលក្នុងស្រុកវិញ៕
មតិយោបល់