ភ្នំពេញ ៖ប្រពៃណីថតចម្លង វាបានក្លាយទៅជាទម្លាប់អស់ហើយ របស់បណ្តាផលិតកម្ម ក្នុងស្រុកមួយចំនួន ដោយស្នឹមកាន់ ដុសមិនចេញ បើទោះបីជាមានការិះគន់ពីមហាជនយ៉ាងណាក៏ដោយ ។
នេះមិនមែនជាលើកដំបូងទេ ដែលផលិតកម្ម ធំៗក្នុងស្រុកខ្មែរ ទទួលបានការរិះគន់ ពីមហាជន តែពាក្យរិះគន់ទាំងនោះ វាបានក្លាយទៅជា ចំណុចស៊ាំត្រចៀករបស់ពួក គេ ។
ថ្មីៗនេះដែរ ខាងផលិតកម្ម សាន់ដេ ទើបតែចេញវ៉ុលថ្មីរបស់ខ្លួន ហើយក៏ទទួលបានការរិះគន់ភ្លាមៗផងដែរ ពីមហាជន ជាពិសេសបទ “ត្រូវគ្នាវិញទៅប្រពន្ធសម្លាញ់” របស់ ខេមរៈ សិរីមន្ត ត្រូវបានអ្នកលេងសង្គមហ្វេសប៊ុក និង អ្នកមិនលេង បានធ្វើការរិះគន់ថា “សកម្មភាពលួចចម្លងរបស់ ផលិតកម្មសាន់ដេ នៅតែមាន តែតិចជាងមុនតែប៉ុណ្ណោះ ដោយបទ “ត្រូវគ្នាវិញទៅប្រពន្ធសម្លាញ់” និងបទជាច្រើនទៀត នៅក្នុង VCD វ៉ុល ១៤៦ ភាគរយចម្លង សឹងតែ ៨០ ភាគរយទៅហើយ បើធៀបទៅនឹងកាយវិការសម្តែងបទ One More Night ក្រុម Maroon 5 របស់តារាចម្រៀង Adam Levine ” ។
ចំណុចចម្លង ដែលក្លាយទៅជាទម្លាប់នេះដែរ តើ គួរស្តីបន្ទោសទៅលើ ផលិតកម្ម ឬ អ្នកដឹកនាំសម្តែង ?
គេថា “ខ្មោចស្រុកមិនអោយដៃ ខ្មោចព្រៃមិនមក ឬ ទំពក់មិនទៅ ភ្នៅ មិនមកទេ” ។ ការស្តីបន្ទោសថា អ្នកដឹកនាំសម្តែងចម្លង អាចថា ត្រូវដែរ តែ ចំណុចគោលសំខាន់ ម្ចាស់ផលិតកម្ម មិនបានពិនិត្យគ្រប់ជ្រុងជ្រោយ ធ្វើឲ្យតែបាន ធ្វើយ៉ាងណា ឆាប់បានលុយចូលហោប៉ៅឆាប់ៗ តែប៉ុណ្ណោះ បើទោះបីដឹងជាដឹងថា កាយវិការសម្តែងនោះលួចចម្លងពីគេ៕
ទស្សនាបទ “ត្រូវគ្នាវិញទៅប្រពន្ធសម្លាញ់” ៖
បទ One More Night របស់ Maroon 5 ៖
មតិយោបល់