ភ្នំពេញ ៖មនុស្ស ២នាក់រងរបួសធ្ងន់ និង៣នាក់ផ្សេងទៀតរងរបួសស្រាល នៅក្នុងគ្រោះថ្នាក់ចរាចរណ៍ បង្កឡើងដោយម៉ូតូបុកជាមួយម៉ូតូ ខណៈពេលបើកច្រាសទិសគ្នា នៅវេលាម៉ោង ៥និង៤០នាទីល្ងាចថ្ងៃទី០៧ ខែសីហា ឆ្នាំ២០១៤ តាមបណ្តោយផ្លូវជាតិលេខ៣ ភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
អ្នកបានឃើញកើតការនិយាយថា មុនពេលកើតហេតុ គេឃើញជនរងគ្រោះមានគ្នា៣នាក់ ជិះម៉ូតូមួយគ្រឿងម៉ាកសេ១២៥ សេរី២០១៤ ពណ៌ខ្មៅ ពុំមានពាក់ស្លាកលេខ បើកបរដោយឈ្មោះ ទី លុង ភេទប្រុស អាយុ២៤ឆ្នាំ មុខរបរ កម្មករសំណង់ ស្នាក់នៅផ្ទះជួលភូមិព្រៃព្រីងជើង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិ ជោ ឃុំក្រញ៉ូង ស្រុកកំចាយមារ ខេត្តព្រៃវែង និងអ្នករួមដំណើរ ដោយបងនិងប្អូនប្រុស ២នាក់ទៀត មុខរបរ និងស្នាក់នៅជាមួយគ្នា ជិះក្នុងទិសដៅពីត្បូងទៅជើង លុះដល់ចំណុចកើតហេតុ បើកឆ្លងផ្លូវ ពីកើតទៅលិច ត្រូវបានបុកជាមួយម៉ូតូមួយគ្រឿងទៀត ម៉ាក សេ១២៥ សេរី២០០៥ ពណ៌ក្រហម ពាក់ស្លាកលេខ សៀមរាប 1G-5424 ជិះឌុបគ្នា២នាក់ប្តីប្រពន្ធ ប្តីមានឈ្មោះ ស៊ុម រ៉ន អាយុ៥៧ឆ្នាំ មុខរបរ លក់ដូរ រយះជើងស្តាំ និងប្រពន្ធឈ្មោះ ហែម ម៉ាច អាយុ៦២ឆ្នាំ មុខរបរ លក់ដូរ រងរបួសបែកក្បាល ។
ក្រោយកើតហេតុជនរងគ្រោះរងរបួសធ្ងន់ទាំង២នាក់ប្តីប្រពន្ធ ត្រូវបានប្រជាពលរដ្ឋទូរស័ព្ទហៅរថយន្តសង្គ្រោះរបស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមះ ។ ចំណែកម៉ូតូទាំង២គ្រឿង ត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌពោធិ៍សែនជ័យ រង់ចាំដោះស្រាយពេលក្រោយ ៕
មតិយោបល់