កាលពីសប្ដាហ៍មុន សារព័ត៌មាន Bloomberg បានចុះផ្សាយដោយដកស្រង់នូវខ្លឹមសារចេញពីសារព័ត៌មានក្នុងស្រុកចិនថា រដ្ឋាភិបាលទីក្រុងប៉េកាំង បានបញ្ជាឲ្យទីភ្នាក់ងាររដ្ឋទាំងអស់បញ្ឈប់ទិញផលិតផលរបស់ក្រុមហ៊ុន Apple ប៉ុន្តែព័ត៌មាននោះគឺមិនមែនទេ។
ក្រោយពេលលេចឮនូវព័ត៌មាននោះ សារព័ត៌មាន Reuters បានចុះផ្សាយដោយសម្ដីអ្នកនាំពាក្យ រដ្ឋាភិបាលចិន ថា ព័ត៌មានខាងលើនោះ មិនមែនជាការពិតទេ ពោលបច្ចុប្បន្ននៅក្នុងស្ថាប័នទាំងនោះ មានប្រើឧបករណ៍ iPad និង MacBook ដែលជាផលិតផលរបស់ Apple។
អ្នកនាំពាក្យរូបនោះ មិនបានបញ្ជាក់អ្វីឲ្យលើសពីនេះនោះទេ ប៉ុន្តែគេនៅចាំបានថា មួយរយៈពេលក្រោយនេះ ចិនបានរឹតបន្ដឹងទៅលើការប្រើប្រាស់សេវាកម្ម និងឧបករណ៍របស់ក្រុមហ៊ុនបរទេស ជាក់ស្ដែង កម្មវិធីកម្ចាត់មេរោគ និងកម្មវិធីជជែកកម្សាន្ត មួយចំនួនត្រូវបានចិនបិទកាលពីខែមុន៕
មតិយោបល់