លោកស្រី ហ៊ីលឡារី គ្លីនតុន នៅថ្ងៃអង្គារម្សិលមិញនេះ បានច្រានចោលនូវព័ត៌មានដែលបានចុះផ្សាយថាពីការវាយប្រហារតាមរយៈពាក្យសម្ដីទៅលើលោកប្រធានាធិបតីសហរដ្ឋអាមេរិក បារ៉ាក់ អូបាម៉ា ទៅលើគោលនយោបាយការបរទេសរបស់លោកក្នុងប្រទេស៊ីរី និងអ៊ីរ៉ាក់។
អតីតរដ្ឋមន្ត្រីការទូតបរទេសរូបនេះ ត្រូវបានគេចុះផ្សាយកាលពីថ្ងៃអាទិត្យកន្លងទៅនេះថា លោកស្រីត្រូវដកខ្លួនចេញពីលោកអូបាម៉ា មុនការបោះឆ្នោតមួយដែលនឹងត្រូវធ្វើឡើងនៅឆ្នាំ ២០១៦ ហើយលោកស្រីបានស្ដីបន្ទោសទៅលើលោកប្រធានាធិបតីអូបាម៉ាលើការអសមត្ថភាពក្នុងការដោះស្រាយបញ្ហានៅក្នុងប្រទេសអ៊ីរ៉ាក់ និងស៊ីរី ដែលបណ្ដាលឲ្យពួកសកម្មប្រយុទ្ធអ៊ីស្លាមកើនឡើង។
ទោះជាយ៉ាងណាអ្នកនាំពាក្យគ្លីនតុនបាននិយាយថាកាលពីម្សិលមិញអតីតអ្នកការទូតកំពូលរបស់អាមេរិកចេញមុខបកស្រាយថា លោកស្រីគ្លីនតុន មិនបាននិយាយដូចអ្វីដែលព័ត៌មានបានចុះផ្សាយនោះទេ ពោលវាគឺជាព័ត៌មានមិនពិត ហើយលោកស្រីសូមច្រានចោលទាំងស្រុង ព្រោះថាអ្នកស្រីក៏ជាសមាជិកបក្សរបស់លោកអូបាម៉ា ជាពិសេសគឺមិនមានចេតនាវាយប្រហារមេរបស់ខ្លួននោះទេ៕
មតិយោបល់