Reuters៖ លោក Eduardo Campos បេក្ខភាពតំណែងប្រធានាធិបតីប្រេស៊ីល បានស្លាប់នៅក្នុងគ្រោះថ្នាក់ធ្លាក់យន្តហោះកាលពីយប់មិញ នៅក្នុងទីក្រុង Sao Paulo ប្រទេសប្រេស៊ីល។
យន្តហោះឯកជនដឹកលោក Campos និងមន្ត្រីមួយចំនួនត្រូវបានគេរាយការណ៍មកថា បានធ្លាក់ចំលំនៅដ្ឋានរបស់ប្រជាពលរដ្ឋបណ្ដាលឲ្យខូចខាតផ្ទះ ៣ខ្នង ចម្ងាយប្រហែលជា ៧០គីឡូម៉ែត្រពីទីក្រុង Sao Paulo ហើយមូលហេតុនៃការធ្លាក់យន្តហោះនេះត្រូវបានគេបញ្ជាក់មកថា ដោយសារតែបញ្ហាអាកាសធាតុ។
លោក Eduardo Campos បានវ័យ ៤៩ឆ្នាំ ហើយរូបលោកត្រូវបានគេជឿជាក់ថា អាចនឹងទទួលបានសំឡេងគាំទ្រច្រើនសម្រាប់ការបោះឆ្នោតប្រធានាធិបតីប្រេស៊ីលនៅខាងតុលាខាងមុខ៕
មតិយោបល់