ភ្នំពេញ៖ នៅថ្ងៃព្រហស្បត្តិ៍ ទី ១៤ ខែ សីហា ឆ្នាំ ២០១៤ នេះ នៅលើបណ្តាញសង្គមហ្វេសប៊ុក កំពុងចាប់អារម្មណ៍ទៅលើរឿងរ៉ាវ “តារាហ្វេសប៊ុក ដ៏ល្បីល្បាញ Peypey Dy គ្រោះថ្នាក់ចរាចរណ៍មិនដឹងស្លាប់ មិនដឹងរស់នោះទេ “ ខណៈអ្នកលេងបណ្តាញមួយនេះកំពុងចែកចាយរូបភាព បែកឈាមកក្លាក់ ដេកស្តូកស្តឹងនៅលើថ្នល់ ។
ក្រោយរូបភាពនេះត្រូវបានក្លាយជាប្រធានបទដ៏ក្តៅគគុកថា តារាហ្វេសប៊ុករូបនេះជួបគ្រោះថ្នាក់ ចរាចរណ៍ មិនដឹងស្លាប់ មិនដឹងរស់ ដែលធ្វើឲ្យអ្នកគាំទ្រ Pepey Dy ភ័យគ្រប់ៗគ្នា ។ ជាមួយនឹងគ្នានេះដែរ Peypey Dy ក៏បានចេញឃ្លិប បកស្រាយថា ជាគ្រាន់តែជាឈុតក្នុងរឿងតែប៉ុណ្ណោះ ។
ជួបជាមួយនឹង គេហទំព័រ ដំណឹង (www.domneng.news ) តាមរយៈខ្សែទូរស័ព្ទ Peypey Dy បានប្រាប់ឲ្យដឹងថា “ជីវិតរបស់គាត់ មិនងាយស្លាប់ៗងាយនោះទេ បង រូបភាពនោះដែរ វាជារូបភាព ដែលថតក្នុងឈុតរឿងថ្មីរបស់ ផលិតកម្ម វេហា ក្រោមចំណងជើងថា “ភូមិគ្រឹះបិសាច” តែប៉ុណ្ណោះ ” ។
សូមបញ្ជាក់ផងដែរថា នេះគឺជាវត្តមានទី ២ របស់ Peypey Dy ហើយ ដែលលេចមុខនៅក្នុងរឿង របស់ផលិតកម្មវេហា ដោយរឿងទី ១ ក្រោមចំណងជើងថា “បេសកកម្មមរណៈ” ៕
ទស្សនាឃ្លិបបកស្រាយរបស់ Peypey Dy ដូចខាងក្រោមនេះ៖
មតិយោបល់