ភ្នំពេញ៖ បណ្តាញសង្គមហ្វេសប៊ុក គឺជាបណ្តាញសង្គមដ៏សកម្មបំផុត សម្រាប់អ្នកលេងអនឡាញ នៅកម្ពុជា បណ្តាញសង្គមមួយនេះ បានក្លាយទៅជាបណ្តាញមួយ ទទួលបានការចាប់អារម្មណ៍យ៉ាងខ្លាំង ជាមួយនឹងព័ត៌មានផ្សេងៗ តែក្នុងនោះ ក៏មាន ព័ត៌មានបំពុលសង្គម ផងដែរ ។
អ្នកលេងបណ្តាញសង្គម មួយនេះ ជាច្រើន បានត្អួញត្អែរ ជាមួយនឹង ភាពមិនប្រកត្រី ចំពោះបណ្តាញមួយនេះ ជាពិសេស ទាក់ទិន និងវិដេអូ ឃ្លិបសិច និង គេហទំព័រ បង្ហោះ រឿងសិច ជាដើម ដោយប្រែក្លាយទំព័រ ដែលចែកចាយព័ត៌មាន និងចំណេះដឹងឲ្យគ្នា ទៅជា បណ្តាញសង្គម ហ្វេសប៊ុកសិច ទៅវិញ ។
មន្ត្រីម្នាក់ សុំមិនបញ្ចេញឈ្មោះ ដែលធ្វើការនៅអង្គភាពប្រឆាំងអំពើពុករលួយ បានឲ្យដឹងថា ” ពង្រាងច្បាប់ដាក់ទោស អ្នកបំពុលបណ្តាញសង្គមហ្វេសប៊ុក គឺកំពុងដំណើរ និង គិតគូរពីទំហំទោសអ្នកដែលបានបំពុល បណ្តាញមួយនេះ ដោយអាចជាប់គុក និងពិន័យជាទឹកប្រាក់ ទៅតាមស្ថានទោស ដែលខ្លួនបានប្រព្រឹត្តិ លើបណ្តាញសង្គម ។ លោកបានបន្តទៀតថា លោកមិនទាន់ដឹងថា ច្បាប់នេះ អាចចេញជាផ្លូវការនៅឆ្នាំនេះ ឬ ក៏យ៉ាងណានោះទេ ខណៈដែល មន្ត្រីជំនាញ់កំពុងគិតលើបញ្ហាពង្រាងច្បាប់នេះ “។
សូមបញ្ជាក់ផងដែរថា អ្នកលេងបណ្តាញសង្គមហ្វេសប៊ុក នៅកម្ពុជា មានចំនួន ជាង ៩ ៣០០០០ នាក់ ដែលជាតួរលេខ មួយចង្អុលបង្ហាញថា វាជាបណ្តាញសង្គម ដែលកំពុងជាប់លេខ ១នៅកម្ពុជា ត្រូវបានគេប្រើប្រាស់ ៕
មតិយោបល់