ភ្នំពេញ៖ ក្រោយពីទទួលបានប្រជាប្រិយភាពគួរសម នៅក្នុងចង្កោមអ្នកសិល្បៈ ដូចគ្នា គង់ ចាន់រដ្ឋា តារាចម្រៀងស្រីប្រចាំផលិកម្ម Diamond Music កំពុងតំកើនឬក ឆ្មើងឆ្មៃ ធ្វើឬកធ្វើពា ទៅកាន់អ្នកគាំទ្រ និងមនុស្សដែលធ្លាប់ជួយជ្រោងនាង ឲ្យមានភាពល្បីល្បាញ កន្លងមក។
គង់ ចាន់រដ្ឋា គឺជាតារាចម្រៀងស្រីមួយដួង ដែលមានដើមកំណើតនៅលើទឹកដី អង្គរ និង ផ្លាស់មកកាន់ ទឹកដីភ្នំពេញ ដើម្បីស្វែងរកប្រជាប្រិយភាព តាមរយៈវិថី សិល្បៈ ។ ភាពតស៊ូ របស់នាង គឺបានទទួលជោគជ័យ ដូចរំពឹង ទុក ប្រាកដមែន ដោយអាចចូលច្រៀង នៅផលិតកម្ម ល្បីគួរសម ខាងលើ ទាំងផលិតកម្ម ក្នុងស្រុក និងក្រៅស្រុក ខណៈដែលមានការជួយជ្រំជ្រែង ចុះផ្សាយ ពីអ្នកកាសែត ជាច្រើន ដែលនាង ពឹងឲ្យជួយចុះផ្សាយ ។
តែអ្វីដែលធ្វើឲ្យ អ្នកដែលជួយជ្រំជ្រែង នាង ខកចិត្ត ក្រោយភាពល្បីល្បាញ របស់នាង គឺនាង ធ្វើពើយ មិនស្គាល់ ចំពោះអ្នកទាំងអស់នោះ ។
បុរសម្នាក់ ក្នុងចំណោម អ្នកដែលស្គាល់នាង និងជួយជ្រំជ្រែង ចុះផ្សាយពីនាង ឲ្យគេបានស្គាល់ បាននិយាយថា ” លោកពិតជាហួសចិត្តខ្លាំងណាស់ ចំពោះតារាស្រីរូបនេះ ដែលខុសពីតារាស្រីផ្សេងៗទៀត ដោយនាងខំធ្វើឬកធ្វើពារ មិនស្គាល់ និយាយជារួមទៅ ធ្វើគុណ បានទោស ។ ប្រភពខាងលើបន្តថា ធាតុពិត ពួកលោក មិនចង់បានអ្វីពីតារាទាំងអស់នោះទេ ដោយចង់បានតែសម្ព័ន្ធភាព រវាងគ្នានិងគ្នាតែប៉ុណ្ណោះ លោកមិនចង់និយាយអ្វីច្រើនជាងនេះ ឡើយ បើនិយាយច្រើនជាងនេះ គឺសុទ្ធតែពាក្យអសុរស និងជារឿងពិតទាំងអស់ តិចនាងថាមិនពិតទៅ “ ។
តែទោះជាយ៉ាងណា យើងខំព្យាយាមរកចម្លើយពិត ពីសាមីខ្លួន នាង គង់ ចាន់រដ្ឋា តែការខលចូល ទៅកាន់ទូរស័ព្ទដៃ របស់នាង មិនមានអ្នកលើក ហើយយើងរីករាយបំផុត សម្រាប់ការចេញមុខ បកស្រាយ របស់នាង ជាមួយនឹងគេហទំព័រ ដំណឹង (www.domneng.news) ៕
មតិយោបល់