​ទីក្រុង​បា​សេ​ឡូ​ណា ៖ កីឡាករ Luis Suarez ប្រហែល​នឹង​បង្ហាញខ្លួន​លេង​ជា​លើកដំបូង ជាមួយនឹង​ក្លិប Barcelona នៅ​ថ្ងៃ ចន្ទ នេះ ក្នុង​ការប្រកួត​លក្ខណៈ មិត្តភាព Club Leon នៅ Nou Camp ។​

​ខ្សែប្រយុទ្ធ​រូបនេះ ត្រូវបាន ខាង FIFA ហាមប្រាម លេង​រយៈពេល ៤ ខែ បន្ទាប់​ពី​ខាំ​ខ្សែការពារ អ៊ីតាលី Giorgio Chiellini ក្នុងអំឡុងពេល World Cup និង ត្រូវបាន ខាង តុលាការ ផ្នែក​កីឡា បាន​ព្យួរ ម​ម្រាម​នេះ ទុក​មួយ​ក្តុប សិន កាលពីដើម​សប្តាហ៍​កន្លងទៅ ។

​ក្លិប Barcelona ដែល​ជួប ក្លិប Leon នៅ​ថ្ងៃ​ចន្ទ នេះ លក្ខណៈ​មិត្តភាព កីឡាករ​សញ្ជាតិ​អ៊ុយ​រ៉ូ​ហ្គាយ បានចាប់ផ្តើម​ហ្វឹកហាត់ ជាមួយនឹង​ក្រុម កាលពី​ថ្ងៃ​សុក្រ ហើយក៏​ជា​ជម្រើស ចុច​យក​មក​លេង របស់​គ្រូបង្វឹក Luis Enrique ។​
​លោក Luis Enrique បាន​និយាយ​កាលពី​ថ្ងៃអាទិត្យ​ថា “​គាត់ (Luis Suarez) បាន​ធ្វើការ​យ៉ាង​លំបាក ដោយ​ហ្វឹកហាត់​តែម្នាក់ឯង ហើយ​សង្ឈឹមថា គាត់​នឹង​អាច​បង្ហាញ​ខ្លួន​លេង​បាន ៣ ទៅ ៤ នាទី នៅមុខ​អ្នកគាំទ្រ​” ។​

​