ភ្នំពេញ៖សម្រាប់ពានរង្វាន់ស្តេចប្រ៊ុយណេឆ្នាំ២០១៤ ប្រកួតកាត់សេចក្តី រវាងកម្ពុជា និង វៀតណាម ឡើងទៅកាន់វគ្គកណ្តាលផ្តាច់ព្រ័ត្រ នៅពូល B U21 ដែលចាប់ផ្តើមនៅវេលាម៉ោង ៧ និង ១៥ នាទី រហូតដល់ម៉ោង ៩ និង ២០ នាទី កម្ពុជាបានធ្លាក់ជាស្ថាពរ ។
សម្រាប់ការប្រកួតនេះដែរ ដោយបើកការប្រកួតបានត្រឹមតែ ២៩ នាទី ក្មេងវៀតណាម U19 បានលុត U21 កម្ពុជា ឬ jianpuzai U21 ១ – ០ ដោយឈ្មោះនេះដែរ ដាក់ដោយ ទំព័រ nowgoal.com ដែល ចង់លុបបំបាត់កម្ពុជា ពីសកលលោកហើយមើលទៅ នោះ ។
រហូតដល់នាទី ៤៥ ក្មេងវៀតណាម U19 បានបំប៉ោងសំណាញ់ កម្ពុជា ឬ jianpuzai U21 មួយគ្រាប់ទៀត ឈ្នះបណ្តោះអាសន្ន ២ – ០ ។ នៅនាទី ៨០ ក្មេងវៀតណាម ក៏មានឱកាស បន្ថែមមួយគ្រាប់ទៀត យកឈ្នះ jianpuzai U21 របស់កម្ពុជា ៣ – ០ ឡើងទៅកាន់វគ្គពាក់កណ្តាលផ្តាច់ព្រ័ត្រ ដោយសុវត្ថិភាព ។
សូមបញ្ជាក់ផងដែរថា នៅលើបណ្តាញសង្គម មានប្រិយមិត្តជាច្រើន មើលទំព័រ លទ្ធផល nowgoal.com នេះ មើលមិនឃើញ U21 Cambodia បែរជាឃើញឈ្មោះ jianpuzai U21 ដែលតំណាងឲ្យឈ្មោះខ្មែរ តើ ជាការយល់ច្រឡំឬ ចង់មើលងាយខ្មែរ ?
មតិយោបល់