ភ្នំពេញ៖ ប្រទះឃើញ ស្ត្រីម្នាក់បានស្លាប់ក្នុងបន្ទប់ យ៉ាងអាណោចអាធ័មដោយសារករណីឃាត់កម្ម កាលពីវេលាម៉ោង៦និង១០ នាទីល្ងាច ថ្ងៃទី១៨ ខែសីហា ឆ្នាំ ២០១៤ នៅក្នុងផ្ទះ លេខ ១៦ តាមបណ្ដោយផ្លូវ២៥១ ស្ថិតក្នុងភូមិ១៤ក្រុម៤២ សង្កាត់បឹងសាឡាង ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេសង្កេតឃើញស្ត្រីរង គ្រោះ ខាងលើបានស្នាក់នៅក្នុងបន្ទប់ជួលលេខ១ ជាន់ទី២ ផ្ទះ លេខ ១៦ បានរយៈពេល៩ថ្ងៃ ហើយជា មួយ បុរសម្នាក់និងនារីម្នាក់ទៀតដែលមិនស្គាលអត្តសញ្ញាណ ហើយពេលដល់ថ្ងៃកើតហេតុ ប្រជាពល រដ្ធ ដែលស្នាក់នៅ ក្បែរ បន្ទប់ស្ត្រីរងគ្រោះ ក៏ចេះតែធំក្លិនស្អុយអាក្រក់ ចេញពីបន្ទប់នេះធ្វើ ឲ្យពួកគាត់ ទ្រាំ មិនបានក៏នាំគ្នាដើរទៅ អើតមើលបន្ទប់នេះឃើញចាក់សោនៅខាងក្រៅ ដោយមិនមាន មនុស្ស ចេញ ចូលឡើយ ប្រជាពលរដ្ធមិនអស់ចិត្តក៏នាំ គ្នាមើលតាមបង្អួច ក៏បានប្រទះឃើញ ស្ត្រី រងគ្រោះ ដេកស្លាប់ ឡើង ហើមស្អុយរលួយបាត់ទៅហើយ។
ពេលនោះម្ចាស់ផ្ទះ សង្ស័យហើយក៏គាស់ទ្វាបន្ទប់មើលស្រាប់តែ ស្ត្រីរងគ្រោះដេកស្លាប់នៅលើ ពូក ក្រាលលើឥដ្ធ យ៉ាងអាណោចអាធ័ម ដោយមានស្នាមគេ យកកំបិត មកអារ ក ជិតដាច់ សម្លាប់ យ៉ាង សា ហាវ បំផុត ទើបបង្កការភ្ញាក់ផ្អើលដល់ប្រជាលពលរដ្ឋនាំ គ្នាចោមរោមឈរមើល យ៉ាងខ្លាំងនិង សមត្ថកិច្ចចុះអន្តរាគមន៏ដល់កន្លែងកើតហេតុ ។
ក្រោយកើតហេតុសមត្ថ កិច្ច បានចុះ ទៅធ្វើកោសល្យវិច្ចយ សពជនរងគ្រោះ ហើយបានបញ្ជាក់ថា ជន រងគ្រោះពិតជាស្លាប់ ដោយការអារ ក ពិតប្រាកដមែន ។
ចំណែកឯសពស្ត្រីរងគ្រោះខាងលើនេះនៅមិន ទាន់ស្គាលអត្តសញ្ញាណនៅឡើយទេ ព្រោះសមត្ថកិច្ច កំពុងទំនាក់ទំនងរកក្រុម គ្រួសារ ដើម្បីសាកសួរ បន្ត រួចនិងប្រគល់ សពយកទៅធ្វើបុណ្យ តាមប្រពៃណី ៕
សពដែលវេចខ្ចប់ យកពីលើផ្ទះជួល
មតិយោបល់