កូនប្រុសរបស់កំពូលតារាសម្ដែងក្បាច់គុនចិនឈិនឡុង ត្រូវបានចាប់ខ្លួននៅក្នុងទីក្រុងប៉េកាំង ពាក់ព័ន្ធនឹងគ្រឿងញៀន កាលព្រហស្បតិ៍កន្លងទៅនេះ។
លោក Jaycee Chan អាយុ ៣២ឆ្នាំ ជាកូនប្រុស លោកឈិនឡុង (Jackie Chan) រួមជាមួយនឹងតារាសម្តែងតៃវ៉ាន់ Kai Ko អាយុ ២៣ឆ្នាំ ត្រូវបានចាប់ខ្លួន នៅក្នុងទីក្រុងប៉េកាំងពាក់ព័ន្ធនឹងគ្រឿងញៀន ។
ប៉ូលិសប៉េកាំងបាននិយាយថា តារាសម្តែងតៃវ៉ាន់ Kai Ko បានប្រើប្រាស់គ្រឿងញៀន ជាមួយនឹងកូនប្រុសលោកឈិនឡុង ត្រូវបានឃុំខ្លួន បន្ទាប់ពីមានការចាប់ខ្លួន កាលពីថ្ងៃព្រហស្បតិ៍ ទី១៤កន្លងទៅ នៅក្នុងស្រុក Dongcheng ជាតំបន់មជ្ឈមណ្ឌលវប្បធម៌ និងពាណិជ្ជកម្មរបស់ចិន ។
គ្រឿងញៀនជាង ១០០ក្រាម ត្រូវបានសមត្ថកិច្ចរកឃើញ នៅក្នុងផ្ទះរបស់លោក Jaycee Chan ហើយប៉ូលិសបានធ្វើការចោទប្រកាន់ Jaycee Chan ពីបទចែកចាយគ្រឿងញៀន ដោយពួកគេទាំងពីរនាក់ អាចប្រឈមមុខនឹងជាប់ពន្ធនាគារ រយៈពេល៣ឆ្នាំ៕
មតិយោបល់