ភ្នំពេញ ៖ ក្នុងខែសីហា ឆ្នាំ២០១៤នេះ មួយសប្តាហ៍មានអំពើប្លន់ចំនួន៤ករណី ដែលកត្តានេះបង្ហាញឲ្យប្រជាពលរដ្ឋក្នុងខណ្ឌនេះមានក្តីព្រួយកង្វល់ ។ អំពើប្លន់ម៉ូតូបាញ់សម្លាប់ជនរងគ្រោះជាបន្តបន្ទាប់បែបនេះសមត្ថកិច្ចប៉ូលិសខណ្ឌមានជ័យមិនបានបង្ក្រាប ឬ វែកមុខក្រុមជនល្មើសបានឡើយ គឺជនល្មើសគេចខ្លួនបានដោយសុវត្ថិភាពរហូត ។នេះបង្ហាញឲ្យឃើញថាសមត្ថកិច្ចប៉ូលិសខណ្ឌមូលដ្នានមានភាពកំសោយទើបធ្វើឲ្យក្រុមចោរប្លន់ធ្វើសកម្មភាពបានដោយសេរី ។
ក្នុងករណីនេះមិនដឹងជាថ្នាក់លើយល់ឃើញបែបណាទេ ដែលប៉ូលិសខណ្ឌមួយនេះអសមត្ថភាពបែបនេះ ឬ មួយរក្សាទុកឲ្យបន្តគ្រប់គ្រងបន្តទៀត ។ ឥឡូវនេះប្រជាពលរដ្ឋទូទាំងខណ្ឌមានជ័យសំដែងការអស់ទំនុកចិត្តទៅលើសមត្ថកិច្ចដែលគ្មានលទ្ធភាពគ្រប់គ្រងសន្តិភាពរបស់ខណ្ឌមានជ័យអនុវត្តតាមបែបស្អី ហើយឆ្លើយតបទៅថ្នាក់លើដោយរបៀបយ៉ាងម៉េចបើករណីប្លន់ម៉ូតូបាញ់សម្លាប់៤ករណីក្នុង១សប្តាហ៍បង្ក្រាបមិនបានផងនោះ ។
ប្រភពពីមន្ត្រីប៉ូលិសខណ្ឌមានជ័យបានបង្ហើបឲ្យដឹងថា ករណីបង្ក្រាបបទល្មើសសម្រាប់មន្ត្រីប៉ូលិសមូលដ្ឋានមិនសូវជាមានបញ្ហាចោទនោះទេ ដោយសារតែលោកអធិការខណ្ឌទេដែលមិនព្រមបែងចែកការងារគ្រប់គ្រងសន្តិសុខដល់ប៉ូលិសថ្នាក់ក្រោមចុះអនុវត្ត ។ មានន័យថាលោកអធិការខណ្ឌក្តោបធ្វើកិច្ចការងារតែម្នាក់ឯងខ្លាចបែកទ្រព្យ ។ មិនតែប៉ុណ្ណោះថែមទាំងកៀបមន្ត្រីនាយប៉ុស្តិ៍ឲ្យបង់លុយប្រចាំខែកំណត់ក្នុង១ប៉ុស្តិ៍១០០-២០០ដុល្លារជាកំហិត យកទៅដោះស្រាយការងារបក្ស ។
ទង្វើអស់នេះហើយធ្វើឲ្យមន្ត្រីប៉ូលិសថ្នាក់ក្រោមអស់ចិត្តមិនសូវរវល់ការងារការពារសន្តិសុខសណ្តាប់ធ្នាប់សាធារណៈ ។ ក្នុងករណីនេះស្នើសុំឲ្យថ្នាក់លើអង្កេតស្រាវជ្រាវពិសេសស្នើសុំឲ្យលោកអធិការផ្លាស់ប្តូវផ្នត់គំនិតអាត្មានិយមនេះចោលទើបការងារដំណើរការទៅដោយសុខសាន្តជាមួយកូនចៅ ៕
មតិយោបល់