មណ្ឌលគីរី៖សហការជាមួយក្រុមអាជ្ញាធ័រនិងមន្ត្រីនៅក្នុងតំបន់បានធ្វើការចុះបង្ក្រាបនិងទប់ស្កាត់បទល្មើសនៅក្នុងតំបន់អភិរក្សជីវៈចំរុះសីមាឃើញជាបន្តរបន្ទាប់ដែលប្រត្តិបតិការនេះបានចាប់ផ្តើមនៅថ្ងៃទី២០ខែសីហាឆ្នាំ២០១៤ ដល់ថ្ងៃទី២៨ខែសីហា ឆ្នាំ២០១៤នេះ ហើយបទល្មើសទាំងនោះត្រូវបានជំនាញកំពុងធ្វើការដឹកជញ្ជូនមករក្សាទុកនៅស្នាក់ការរបស់ខ្លួន ។
ប្រជាពលរដ្ឋនិងអ្នកឃ្លាំមើលបទល្មើសព្រៃឈើខេត្តមណ្ឌលគិរីបានធ្វើការរិះគន់និងចោទប្រកាន់យ៉ាងខ្លាំងទៅលើលោក មាគ វុឌ្ធី ប្រធានគំរោងអភិរក្សជីវៈចំរុះសីមា រីឯមន្ត្រីក្រោមឱវ៉ាតជាច្រើនរូបទៀតនៅតាមស្នាក់ការនីមួយៗពិតជាមានការបណ្ដែតបណ្ដោយអោយកើតមានបទល្មើសព្រៃឈើនៅក្នុងតំបន់ដែលខ្លួនគ្រប់គ្រងយ៉ាងច្បាស់ក្រឡែត។ ជាក់ស្ដែងចាប់តាំងពីថ្ងៃទី២០ខែសីហាឆ្នាំ២០១៤ ដល់ថ្ងៃទី២៨ខែសីហា ឆ្នាំ២០១៤នេះ មានក្រុមការងារពង្រឹងអនុវត្តច្បាប់រដ្ឋបាលព្រៃឈើថ្នាក់កណ្ដាលបានសហការជាមួយសមត្ថកិច្ចចំរុះនិងមន្ត្រីជំនាញក្នុងតំបន់បានចុះស្រាវជ្រាវរកឃើញបទល្មើសនៅក្នុងតំបន់ហាមឃាត់នេះយ៉ាងច្រើនសន្ធឹកសន្ធាប់ បើតាមការបង្ហើបអោយដឹងពីសមត្ថកិច្ចមួយចំនួននៅស្រុកអូររាំងប្រាប់ថា ប្រត្តិបតិខាងលើនេះត្រូវបានរកឃើញឈើប្រណិតប្រភេទ ធ្នង់សុទ្ធមិនតិចជាង៧០០ដុំនោះទេ។
តាមប្រភពព័ត៍មានប្រាប់ថា បទល្មើសព្រៃឈើនៅមានជាច្រើនកន្លែងទៀត ហើយជំនាញបានផ្លាស់ប្តូកំលាំងដើម្បីស្រាវជ្រាវនិងទប់ស្កាត់បទល្មើសបន្តរ ប្រជាពលរដ្ឋនិងអ្នកឃ្លាំមើលបានសំណូមពរដល់លោក មាគ វុឌ្ធី ប្រធានគំរោងអភិរក្សជីវៈចំរុះសីមា និងលោក ស្វាយ វណ្ណា ប្រធាក្រុម ប៉េអឹម បំរើការនៅក្នុងស្នាក់ការ ដែលសព្វថ្ងៃនេះគេកំពុងល្បីឈ្មោះលោកស្វាយ វណ្ណា ថាជាអ្នកកាងបទល្មើសអោយឈ្មួញ ល្មមក្រឡេកមើលធន់ធានធម្មជាតិជាសម្បត្តិរដ្ឋដែលកំពុងប្រឈមទៅនិងការរិចរិលកុំគិតតែផលប្រយោជន៍របស់ខ្លួនពេក។
លោក កែប កត់ នាយខណ្ឌ័រដ្ឋបាលព្រៃឈើខេត្តមណ្ឌលគិរីបានបញ្ជាក់ប្រាប់អ្នកព័ត៍មានយើងនៅថ្ងៃទី២៨ខែសីហា ឆ្នាំ២០១៤ថា ក្រុមការងារពង្រឹងអនុវត្តច្បាប់រដ្ឋបាលព្រៃឈើថ្នាក់កណ្តាលបានចុះពង្រឹងនិងស្រាវជ្រាវរាល់បទល្មើសនៅក្នុងខេត្តមណ្ឌលគិរីបន្តទៀតរីឯទូរលេខនិងទិន័យស្តីពីការចុះបង្ក្រាបចាប់តាំងពីថ្ងៃទី២០ខែសីហាឆ្នាំ២០១៤ ដល់ថ្ងៃទី២៨ខែសីហា ឆ្នាំ២០១៤នេះលោកពុំទានប្រាប់ពីចំនួនច្បាស់លាស់នៅឡើយទេ ជាក់ស្តែងនៅថ្ងៃទី២៥ខែសីហាឆ្នាំ២០១៤ ជនសង្ស័យម្នាក់ត្រូវបានកំលាំង ប៉េអឹម ប្រចាំស្នាក់ការអភិរក្សជីវៈចំរុះសីមា ធ្វើការឃាត់ខ្លួននិងចោទប្រកាន់ថាបានប្រើប្រាស់អាវុធ បាញសំលាប់សត្វឈ្លុះមួយក្បាលនៅក្នុងតំបន់អភិរក្សជីវៈចំរុះនិងធ្វើការបញ្ជូនជនសង្ស័យនិងវត្ថុតាងទៅកាន់សាលាដំបូងខេត្តហើយនៅល្ងាចថ្ងៃទី២៧ខែសីហាឆ្នាំ២០១៤សំរេចបញ្ជូនជនសង្ស័យទៅកាន់ពន្ធាគារខេត្តគួបញ្ជាក់ផងដែរថា ជនសង្ស័យមានឈ្មោះ ចិ ជាមន្ត្រីយោធា និងវត្ថុតាងដែរប្រើប្រាស់រួមមានរថយន្តមួយគ្រឿង កាំភ្លើងមួយដើម និងសត្វឈ្លុះមួយក្បាល ផងដែរ៕
មតិយោបល់