កំពង់ស្ពឺ ៖ នាពេលបច្ចុប្បន្នបទល្មើសឈូសឆាយដីព្រៃកំពង់ដំណើរការបាន យ៉ាងរលូនដែលក្នុងនោះក៏មានបទព្រៃឈើយ៉ាងធ្ងន់ធ្ងរ ដែលទង្វើទាំងនេះត្រូវ បានមតិលើកឡើងថាគឺបណ្តាលមកពីភាពកំសោយរបស់មន្ត្រីបរិស្ថានមួយចំនួន បានឃុបឃិតរួមគំនិតបង្កើតជាការក្លែងបន្លំឯកសារឈូសឆាយយកដីរដ្ឋមកធ្វើជាកម្មសិទ្ធផ្ទាល់ខ្លួន។ បទល្មើសឈូសឆាយដីព្រៃថ្មីៗនេះគេបានសង្កេតឃើញកើតមាននៅក្នុងភូមិខ្នងអាយ ឃុំតាសាល ស្រុក ឪរ៉ាល់ ខេត្តកំពង់ស្ពឺ ដែលដីព្រៃរបស់រដ្ឋនេះត្រូវបាន គេដឹងថាមានមន្ត្រីបរិស្ថានមួយចំនួនបានធ្វើបណ្ណ័កម្មសិទ្ធិមានឈ្មោះប្រជាពលរដ្ឋក្លែងក្លាយប្រម៉ាណជា ១៣៩ហិតាទៅឲ្យទៅក្រុមហ៊ុនមួយកំពង់ឈូសឆាយ បានយ៉ាងស្របច្បាប់ហើយគ្មានថា្នក់ណាដឹងឡើយ។
ដោយឡែកបទល្មើសព្រៃឈើក្នុងស្រុកឪរ៉ាល់នេះដែរត្រូវបានគេដឹងថាឈើប្រណិតរាប់សិបម៉ែត្រគូបមានលំហូរដឹកចេញតាមរថយន្តសេរីទំនើបរាប់សិបគ្រឿងដែលរថយន្តទាំងត្រូវបានគេដឹងថាជារបស់មន្ត្រីកងកំលាំងប្រដាប់អាវុធដែលមានអំណាច បុណ្យសក្ក័ និង លុយកាក់ ហើយក៏ជាអ្នកមានតួនាទីនៅក្នុងខេត្ត ។ ជាពិតការរកស៊ីឈើក្រញូងបើទោះជាបុគ្គលនោះមានអំណាចឬបុណ្យសក្ក័ប៉ុណ្ណាក៏ការប្រព្រឹត្តទៅមានទម្លាប់ឆ្លងកាត់ជំនាញឬត្រូវរ៉ូវគ្នាជាមួយសមត្ថកិច្ចពាក់ពន្ធ័ដែលគេ
តែងតែហៅ(បើកភ្លើងខៀវ)។កត្តាបែបនេះបានជំរុញឲ្យមានលើកឡើងពីមតិមហាជនជា ច្រើននៅក្នុងខេត្តកំពង់ស្ពឺ ដោយបានពោលថា ទាំងអ្នករកស៊ី ទាំងសមត្ថកិច្ចជាមនុស្សតែមួយដូចនេះមិនបាច់រកមុខអ្នកបំផ្លាញព្រៃឈើនោះទេ។ យើងងាកមកមើលការ កាប់បំផ្លាញព្រៃឈើយ៉ាងរង្គាលមួយទៀតគឺក្នុង ឧទ្យានជាតិគិរីរម្យ ដែលត្រូវឈ្មួញលួចកាប់ក្នុងឧទ្យានជាតិមួយនេះ។ ទង្វើនេះគឺជាការបើកដៃដោយផ្ទាល់ពីសំណាក់មន្ត្រីការពារនៅទីនោះ ហើយអនាគតឈើប្រណីតនឹង
លែងមានក្នុងតំបន់អភិរក្សនេះទៀតហើយ។ ជាងនេះទៅទៀតមានមន្ត្រីបរិស្ថាន ជាច្រើនដែលបានបញ្ជូនឲ្យទៅ ជួយធ្វើការងារទប់ស្កាត់ការកាប់បំផ្លាញព្រៃឈើក្នុងឧទ្យានជាតិនោះ ភាគជាមន្ត្រីនៃប្រធានមន្ទីរបរិស្ថានខេត្តកំពង់ស្ពឺជាអ្នកមើលការខុសត្រូវនៅទីនោះ។ តាម សេចក្តីរាយការណ៍ពីពលរដ្ឋដែលមានមុខរបរ និងប្រាស្រ័យអនុផលព្រៃឈើតូចតាចបានបង្ហើបប្រាប់កម្ពុជាថ្មីថា សព្វថ្ងៃមានឈើប្រណីតជាច្រើនបានដឹកឆ្លងកាត់ និងមានឈើប្រណីតជាច្រើនផ្សេងទៀតបានកាប់នៅក្នុងឧទ្យាននេះដោយ ផ្ទាល់ដោយពួកឈ្មួញបានត្រូវគ្នាជាមួយមន្ត្រីការពារនៅទីនោះ ផ្ទាល់។
តាមប្រភពបានបញ្ជាក់ថា មន្ត្រីដែលមានតួនាទីការពារនៅទីនោះគឺលោក ខន.សុខុន មានមុខងារជាប្រធានផ្នែកមន្ត្រីបរិស្ថានខេត្ត ហើយឈ្មោះនេះត្រូវបាន គេសង្ស័យថាជាមនុស្សសំខាន់របស់លោកប្រធានមន្ទីរបរិស្ថានខេត្ត សម្រាប់ដើររកប្រាក់ចំណូល ដែលបានមកពីការកាប់បំផ្លាញព្រៃឈើខាងលើ។ ឈើដែល បានកាប់និងដឹកចេញត្រូវបានគេប្រទះឃើញចេញតាមច្រកខាងលិច ហើយនាំចូលទៅក្នុងទឹកដីស្រុកកំពង់សិលាខេត្តព្រះសីហនុដោយមួយថ្ងៃៗ ដឹកមិនក្រោមពី៤០ទៅ៥០ម៉ូតូទេ ហើយក្នុងមួយម៉ូតូមិនក្រោមពី៣ផ្លានឈើឬ(០,៣០ម៉ែត្រត្រីគុណ) នោះទេ។
ចំណែក មួយទៀតមន្ត្រីទាំងនោះបានអនុញ្ញាតឲ្យដឹកចេញតាមច្រកផ្លូវចូលភ្នំ គិរីរម្យនេះដោយផ្ទាល់ដោយគេប្រើប្រាស់រថយន្តសេរីទំនើបៗរបស់ឈ្មួញ ធំៗជាអ្នកដឹក។ ជាសូមណូមពរពីមជ្ឍដ្ឋានពលរដ្ឋបានសុំឲ្យថ្នាក់ដឹកនាំតាំងពីថ្នាក់ខេត្តក៏ដូចជាក្រសួងមន្ទីរដែលពាក់ពន្ធ័ចាប់អារម្មណ៏ពីលើកឡើងខាងលើនិងបើកការស៊ើបអង្កេតលើករណីនេះជាបន្ទាន់កុំឲ្យជនមួយក្តាប់តូចបន្តការបើកដៃបំផ្លាញធនធានធម្មជាតិដែលកេរិ្តពីដូនតាដែលបានបន្សល់ទុករាប់ទស្សវត្តសម្រាប់កូនចៅជំនាន់ក្រោយបានថែរក្សានិងអភិរក្សជាសម្បត្តិធម្មជាតិ៕
មតិយោបល់