កំពង់ធំ ៖ លោក សុខ លូ អភិបាលរងខេត្តកំពង់ធំ បានអញ្ជើញជាអធិបតីភាព និងតំណាងរបស់ឯកឧត្តម អ៊ុត សំអន អភិបាល នៃគណៈអភិបាលខេត្តកំពង់ធំ ក្នុងពិធីចែកប័ណ្ណកម្មសិទ្ធ ជូនប្រជាពលរដ្ឋ ៣៦៨ ក្បាលដី ស្ថិតនៅក្នុង ឃុំ មានរិទ្ធ ស្រុកសណ្តាន់ ខេត្តកំពង់ធំ ដោយមានការចូលរួម ពីសំណាក់ លោក អ៊ុន បុត្រ អភិបាលស្រុកសណ្តាន់ និងលោក អ៊ឹម សុឌីណា ប្រធានមន្ទីររៀបចំដែនដី នគរូនីយកម្ម និងសំណង់ ព្រមទាំងប្រធាន អនុប្រធានមន្ទីរជុំវិញខេត្តចូលរួមផងដែរ។
លោក អ៊ុន បុត្រ អភិបាលស្រុកសណ្តាន់ បានមានប្រសាសន៍ ស្វាគមន៍ក្នុងពិធី ចែកប័ណ្ណកម្មសិទ្ធ ជូនដល់បងប្អូនប្រជាពលរដ្ឋ ក្នុងនាមលោកជាថ្នាក់ដឹកនាំស្រុកសណ្តាន់ សូមថ្លែងអំណរគុណដល់ឯកឧត្តម សុខ លូប្រធានក្រុម ការងារចុះជួយស្រុកសណ្តាន់ ដែលបានអញ្ចើញចូលរួមក្នុងពិធីចែកប័ណ្ណ និងមានការយកចិត្ត ទុកដាក់ខ្ពស់ ព្រមទាំងគោលនយោបាយរួមចំណែកក្នុងការលើទឹកចិត្តបងប្អូនប្រជាពលរដ្ឋ នៅក្នុងស្រុក សណ្តាន់ទាំងមូល។
លោក អ៊ឹម សុឌីណា បានសំណូមពរឲ្យបងប្អូន មកទទួលប័ណ្ណកម្មសិទ្ធពីមន្ត្រីជំនាញ ដែលបានចែកជូន សម្រាប់ការចែកប័ណ្ណសិទ្ធជូនប្រជាពលរដ្ឋ នៅក្នុងថ្ងៃនេះ មានចំនួន ២ភូមិ មានភូមិសំអោង ២៥០ក្បាលដី និងភូមិ ត្រពាំងត្រឡាច ចំនួន ១១៨ក្បាលដី ស្ថិតនៅក្នុងឃុំមានរិទ្ធ ស្រុកសណ្តាន់ សរុបចំនួន ៣៦៨ក្បាលដី ក្នុងនោះដែរ លោកណែនាំកុំឲ្យយកទៅអ៊ុតរ៉ឹង និងការគូសលើប័ណ្ណកម្មសិទ្ធ ចំណែកបងប្អូននាំយកទៅប្រើ ប្រាស់ក្នុងករណីអ្វីមួយនោះ សូមមានការផ្ទៀងផ្ទាត់ មើលឲ្យច្បាស់ ដើម្បីចៀសវាងការភាន់ច្រឡំគ្នា ។
ក្នុងឳកាសលោក សុខ លូ អភិបាលរងខេត្តកំពង់ធំ បានមានប្រសាសន៍សំណេះសំណាល និងផ្តាំផ្ញើរដល់បងប្អូន ប្រជាពលរដ្ឋ ក្នុងឳកាសចែកប័ណ្ណកម្មសិទ្ធិ ដោយមានការខិតខំជម្រុញពីប្រមុខរាជរដ្ឋាភិបាល សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឲ្យមានការចែកប័ណ្ណកម្មសិទ្ធិ ជូនប្រជាពលរដ្ឋ ដើម្បីឲ្យមានសិទ្ធិកាន់កាប់ និងគ្រប់គ្រងស្របច្បាប់ និងសំណូមពរកុំឲ្យបងប្អូនលក់ដី ព្រោះដីមានតំលៃខ្លាំងណាស់ បើបងប្អូនចេះតែនាំគ្នាលក់ ទោះជាចែកប៉ុន្មានដងទៀតក៏មិនគ្រប់គ្រាន់ដែរ ព្រោះ ដីមានចំនួនដដែល រីឯមនុស្សក៏ចេះតែកើនឡើង ដីគឺជាអាយុជីវិតរបស់បងប្អូន និងហាមមិនឲ្យបងប្អូនចូល ទៅរុករាន្ទកាប់ព្រៃទៀតទេ ព្រោះវាជារឿងខុសច្បាប់ ដូច្នេះយើងគួរតែមាន មោទនភាព ដែលជាប្រជាពលរដ្ឋ រស់នៅក្នុងស្រុកសណ្តាន់ ព្រោះមានព្រៃឈើនៅក្នុងស្រុកសណ្តាន់នេះ គឺជាព្រៃដ៏ធំជាងគេនៅក្នុងប្រទេស និងសូមឲ្យចូលរួមថែរក្សា ស្រឡាញ់ព្រៃឈើ ។កុំឲ្យមានការជឿលើការញ៉ុះញ៉ង់ ដឹកនាំប្រព្រឹត្តនូវអំពើខុសច្បាប់ ពីជនខិលខូច ដូច្នេះសូមឲ្យបងប្អូនធ្វើអ្វី ដែលជាប្រយោជន៍ ផ្ទាល់ខ្លួន និងប្រយោជន៍ ដល់សង្គមជាតិ ដើម្បីភាពរីកចំរើន នៅក្នុងភូមិ ឃុំ របស់យើង ។
មតិយោបល់