ប្រសិនបើប្រព័ន្ធកាំជ្រួចការពារដែនអាកាសរបស់ប្រទេសស៊ីរីមិនសម្តៅទៅលើយន្តហោះចម្បាំងគ្មានមនុស្សបើកបររបស់អាមេរិកទេនោះ អាមេរិកនិងមិនពិបាកក្នុងការវាយប្រហារទៅលើក្រុម ISIL បង្កើតប្រទេសអិស្លាមថ្មីនោះឡើយ។ តើអាមេរិកកំពុងតែទុកឲ្យក្រុមអិស្លាមអ៊ុកឡុករដ្ឋាភិបាលស៊ីរីរបស់ប្រធានាធិបតីអាលអាសាដ ដែលកន្លងមកតែងតែប្រឆាំងទៅនឹងអាមេរិក ហើយទទួលបានការគាំទ្រពីប្រទេសរុស្ស៊ី ។ មានសំណួរជាច្រើនបានចោទសួរឡើងថា ការដែលអាមេរិកមិនធ្វើសកម្មភាពនាពេលនេះ គឺទុកឲ្យក្រុមISIL គ្រប់គ្រងស៊ីរីទាំងមូលផ្តួលរំលំរដ្ឋាភិបាលលោកអាលអាសាដ ទើបវាយប្រហារ ។
ទាំងនោះហើយទើបធ្វើឲ្យប្រទេសរុស្ស៊ី និងប្រទេសប្រឆាំងអាមរិកមួយចំនួនទៀតគ្មានអ្វីត្រូវជំទាស់ទៀតឡើយ។ នៅពេលនេះអាមេរិកបានបើកការវាយប្រហារពីលើដែនអាកាស់មានកំណត់ទៅលើក្រុម ISIL ដោយមិនបើកការវាយប្រហារជាទ្រងទ្រាយធំនោះឡើយ។ កម្លាំងទាហានISIL ទោះពេលនេះមានចំនួនជាងមួយសែននាក់ក៏ដោយតែមិនពិបាក់ក្នុងការវាយប្រហារពីអាមរិកនោះឡើយ ដោយក្រុមទាំងនោះប្រមូលផ្តុំនៅព្រំដែនប្រទេសអ៊ីរ៉ាក់និងស៊ីរី។
ការដែលអាមរិកមិនទាន់វាយប្រហារគឺទុកឲ្យសហគមន៍អន្តរជាតិអំពាវនាវឲ្យអាមេរិកអន្តរគម៍ នៅពេលនោះអមេរិកនឹងផ្លាស់ប្តូរបបដឹកនាំនៅក្នុងប្រទេសស៊ីរីដែលជិនស្និតនិងរុស្ស៊ី។ នៅពេលនេះក្រុមចារកម្មរបស់អាមេរិកស្ទើតែមិនមាននៅក្នុប្រទេសស៊ីរី ដូច្នេះដើម្បីទប់ទល់និងក្រុមអិស្លាមISIL នៅក្នុងប្រទេសស៊ីរី អាមរិកចាំបាច់ត្រូវតែវាយប្រហារពីលើដែនអាកាស់ ។ ដើម្បីសម្រេចគោលដៅនោះអាមេរិកត្រូវតែបញ្ចូនក្រុមចារកម្ម CIA និងក្រុមចារកម្មយោធាទៅទីនោះជាចាំបាច់។
ប្រទេសស៊ីរីខុសពីប្រទេសអ៊ីរ៉ាក់ អាហ្វហ្គានិស្ថាន និងប៉ាគីស្ថាន ដែលចារកម្មអាមេរិកមាននៅគ្រប់ទិសទី ចំណែកនៅក្នុងប្រទេសស៊ីរីវិញមិនមានទាល់តែសោះរយៈពេលជាច្រើនឆ្នាំកន្លងមក ហើយពេលនេះជាឧប្បស័គ្មមួយបើអាមរិកមិនអាចតាមដានសកម្មភាពរបស់ក្រុមISIL ទេនោះ។នៅពេលខាងមុខទាំងស៊ីរីនិងរុស្ស៊ីមិនអាចបដិសេធការបញ្ចូនកម្លាំងចារកម្មរបស់អាមេរិកបានឡើយ។ តាមការបកស្រាយរបស់លោក Michael Rubin មកពីមជ្ឈបណ្ឌុលព្រឹក្សា American Enerican Enerican Institute បានបញ្ចាក់ថា នៅទីក្រុងវ៉ាស៊ីនតោន នៅប្រទេសប៉ាគីស្ថាន ក្រុមចារកម្មអាមេរិកអាចដឹងច្បាស់នៅទីតាំងរបស់មេដឹកនាំក្រុមអាលកៃដាដើម្បីវាយប្រហារឲ្យចំគោលដៅពីលើដែនអាកាស់។ ប៉ុន្តែនៅស៊ីរីវិញគ្មានឡើយ។
នៅក្នុងប្រទេសអ៊ីរ៉ាក់ អាហ្វហ្គានិស្ថាន ប៉ាគីស្ថាន ឬយេម៉េន អាមរិកអាចប្រើប្រាស់យន្តហោះគ្មានមនុស្សបើកតាមដានគោលដៅ វាយប្រហារបានយ៉ាងងាយស្រួល។ចំណែកនៅស៊ីរីវិញដោយមានប្រព័ន្ធមីស៊ីលការពារដែនអាកាស់នាំចូលពីប្រទេសរុស្ស៊ីអាចវាយប្រហារទៅលើឧប្បករតាមដានរបស់អាមរិកគ្រប់ពេល។ មួយវិញទៀតស៊ីរីគ្មានរដ្ឋាភិបាលណាមួយដែលអាមេរិកអាចចាប់ដៃ សហការរារាំងក្រុម អិស្លាមISIL។ កន្លងមកអាមរិកដូចជាសហគមន៍អឺរ៉ុបបានជួយជ្រោមជ្រេងដល់ក្រុមប្រឆាំងរដ្ឋាភិបាលលោកអាលអាសាដ តែពេលក្រុមប្រឆាំងទាំងនោះទៅណាអស់ហើយ? បែជាមកលេចក្រុម អិស្លាមISIL នេះទៅវិញ។
មនុស្សជាច្រើនបានដាក់សំណួរចោទសួរថា ទាំងនោះជាគោលនយោបាយរបស់អាមេរិក្នុងការផ្តួលរលំរដ្ឋាភិបាលណាដែលមិនស្តាប់បង្កាប់អាមេរិឬ? កន្លងមកថ្មីៗប្រធានាធិបតីអាមរិកបារ៉ាកអូបាមាបានអនុញ្ញាត្តិឲ្យធ្វើការសើបអង្គេតនៅតាមដែនអាកាស់ នៅក្នុងទឹកដីស៊ីរីជាលើកដំបូង ក្នុងការស្ទាបស្ទងការប្រតិកម្មចំពោះរដ្ឋាភិបាលលោកអាសាដ ទៅនិងសកម្មភាពទាំងនោះ។បច្ចុប្បន្នក្រុមអិស្លាមគ្រប់គ្រង ១ភាគ៣នៃទឹកដីស៊ីរី ហើយរដ្ឋាភិបាលស៊ីរីកំពុងតែព្រួយបារម្ភណ៍យ៉ាងខ្លាំងខ្លាចបាត់បង់ទឹកដីទាំងស្រុងដោយសារក្រុមISIL ដូច្នេះស៊ីរីដូចជាមិនបានខ្វល់ខ្វាយពីសកម្មភាពសើបអង្កេតរបស់អាមេរិកទៀតឡើយ។
ប៉ុន្តែនៅមានសំណួរសំខាន់មួយមិនទាន់មានចម្លើយនោះគឺ ក្រោយពេលអមេរិកវាយប្រហារយកឈ្នះក្រុមអ៊ិស្លាមISIL ដណ្តើមបានភូមិសាស្ត្រទាំងនោះមកវិញ តើកម្លាំងណាមួយជាអ្នកគ្រប់គ្រង? កាលពីថ្ងៃទី២៥ខែសីហារដ្ឋមន្ត្រីការបរទេស៊ីរីបានប្រកាស់ថា រដ្ឋាភិបាលទីក្រុងដាម៉ាកាស ដែលត្រូវនៅឯកោរយៈពេលជាង៣ឆ្នាំកន្លងមកបានត្រៀមលក្ខណៈសហការជាមួយសហគមន៍អន្តរជាតិទប់ទល់និងក្រុមISIL ដោយរដ្ឋាភិបាលស៊ីរីមិនអាចរារាំងក្រុមនេះបានទៀតឡើយបើទុកកាន់តែយូនឹងត្រូវបាត់បង់ទាំងអស់។ រដ្ឋាភិបាលទីក្រុងវ៉ាស៊ីនតោនក៏ធ្លាប់បានបញ្ចាក់ថា អាមេរិកគ្មានទីតាំងបណ្តាញចារកម្មនៅទីនោះធ្វើម្តេចអាចសហការជាមួយស៊ីរីបាន ធ្វើយ៉ាងណាទើបអាចវាយប្រហារតាមដែនអាកាសបាន ក្នុងការរារាំងក្រុមISIL ប្រកបដោយប្រសិទ្ធិភាព។
នៅពេលនេះរុស្ស៊ីមិនអាចរារាំងសកម្មភាពរបស់អាមេរិកបានដូចកាលពីមុនទៀតឡើយ ដោយកំពុងជាប់ដៃដោះស្រាយវិបត្តិនៅក្នុងប្រទេសអ៊ុយក្រែនជួយដល់ក្រុមនិយាយភាសារុស្សី និងដោះស្រាយបញ្ហាសេដ្ឋកិច្ចនៅក្នុងស្រុងក្រោយការដាក់ទណ្ឌកម្មពីប្រទេសលោកខាងលិច។ ប្រមុខដឹកនាំរុស្ស៊ីកំពុងតែស្វែងរកទីផ្សាយផ្សេងនៅតំបន់អាស៊ី ក្នុងការជួយដល់សេដ្ឋកិច្ចចៀសផុតពីវិបត្តិ។ ដោយឡែកប្រទេសចិនវិញ ក្រុមអ៊ិស្លាISIL ក៏បានគម្រាមកំហែងវាយប្រហារដណ្តើមការគ្រប់ គ្រងនៅខេត្តស៊ីនជាំង ដែលមានពលរដ្ឋអិស្លាមរស់នៅច្រើនធ្វើឲ្យរដ្ឋាភិបាលរបស់ប្រធានាធិបតីស៊ីជីងពីងព្រួយបារម្ភាយ៉ាងខ្លាំង។
កន្លងមកអគ្គរដ្ឋទូតចិនប្រចាំនៅ អ ស ប ស្នើដល់សហគមន៍អន្តរជាតិមានវិធានការទប់ស្កាត់ក្រុមISIL កំឲ្យរីកធំធាតុ។ ពេលនេះមានតែអាមេរិកប៉ុណ្ណោះដែលអាចទប់ទាល់ជាមួយក្រុមអ៊ីស្លាមបាន ប៉ុន្តែអាមរិកមិនធ្វើនោះឡើយអូសបន្លាយពេលវេលាទុកឲ្យប្រទេសដែលធ្លាប់រារាំងអាមេរិកត្រូវតែស្តាប់តាម បើមិនចងឲ្យប្រទេសរបស់ខ្លួនធ្លាក់នៅក្នុងភាពចលាចលទេនោះ។ ចំណែកក្រុមអ៊ីស្លាម វិញ ក៏មិនល្ងង់វាយប្រហារទៅលើប្រទេសមហាអំណាច ដូចជាអាមេរិកនិងសម្ព័ន្ធមិតនៅតំបន់អឺរ៉ុបនោះដែរ គ្រាន់តែគម្រាមកំហែងតិចតួចប៉ុណ្ណោះ។ ជាយូណាស់មកហើយអាមរិកមិនដែលចាត់ទុកក្រុមអិស្លាម ជាសត្រូវរបស់ខ្លួននោះឡើយ ចាប់តាំងពីប្រធានាធិបតីអូបាម៉ាឡើងកាន់ដំណែង លោកខិតខំផ្សះផ្សាទំនាក់ទំនងជាមួយប្រទេសអ៊ិស្លាម ដោយលោកបំពេញទស្សនកិច្ចទៅកាន់ប្រទេសអ៊ិស្លាមជាច្រើនការចងសម្ពន្ធមិត្ត៕
មតិយោបល់