ប្រទេសរុស្ស៊ី និងចិន បានឯកភាពគ្នា ដោយស្ថាបនាបំពង់នាំឧស្ម័ន ទាញយកពីធម្មជាតិ ចេញពីតំបន់ស៊ីប៊ឺរី ភាគខាងកើត នៃប្រទេសរុស្ស៊ី ដែលនឹងចាប់ផ្តើមអនុវត្តការងារ នៅចុងសប្តាហ៍នេះ ក្រោមការចុះកិច្ចព្រមព្រៀងនឹងគ្នា រវាងប្រទេសទាំងពីរ ។ គេបានដឹងថា លោក Zhang Gaoli ឧបនាយករដ្ឋមន្ត្រីចិន បានធ្វើដំណើរទៅកាន់ម៉ូស្គូ ទៅកាន់ក្រុងយ៉ា គូដស៍ ដើម្បីចុះហត្ថលេខា លើកិច្ចព្រមព្រៀងគ្នា ស្តីពីការស្ថាបនាបំពង់នាំឧស្ម័ន ពីតំបន់ភាគខាងកើត ទៅកាន់ប្រទេសចិន ។
ចំពោះវត្តមានរប់សលោក Zhang មកកាន់រុស្ស៊ីនោះ ត្រូវបានគេដឹងថា នេះជាសញ្ញាមួយ បញ្ជាក់អំពី កិច្ចការទំនាក់ទំនងល្អ រវាងប្រទេសទាំងពីរ ហើយស្ថិតក្នុងកម្រិតមួយជ្រាលជ្រៅទៀតផង ។ ចំពោះការស្ថាបនាបំពង់នាំឧស្ម័ននឹងចាប់ផ្តើមជាបណ្តើរៗនៅថ្ងៃចន្ទនេះ ចេញពីតំបន់ ស្ថិតនៅភាគខាង កើតប្រទេសរុស្ស៊ី ដោយទាញយកឧស្ម័នពីធម្មជាតិ ហើយតំបន់ប្រតិបត្តិការ នៃការទាញយកឧស្ម័ននោះ ត្រូវបានគេឲ្យឈ្មោះថា "ថាមពលស៊ីប៊ឺរី " ។
គួរបញ្ជាក់ផងដែរថា មុនពេលចាប់ផ្តើមចុះកិច្ចព្រមព្រៀងគ្នា រវាងភាគីនៃប្រទេសចិន និងរុស្ស៊ី លើ គម្រោងការ នៃការតបំពង់ឧស្ម័ននោះ ត្រូវបានគេដឹងថា ការស្ថាបនានេះបានកើតឡើង បន្ទាប់ពីមាន ជំនួបថ្នាក់ដឹកនាំកំពូល របស់ប្រទេសចិន គឺលោក ស៊ី ជីភីង ប្រធានាធិបតី នៃសាធារណរដ្ឋ ប្រជាមានិត ចិន និងលោក ប្លាឌីមៀ ពីទីន ប្រធានាធិបតី នៃប្រទេសរុស្ស៊ី
បានជួបពិភាក្សាគ្នានៅក្នុងកិច្ចប្រជុំមួយ កាលពីខែឧសភា នៅក្រុងសៀងហៃ ប្រទេសចិន ហើយបានឯកភាពគ្នា លើផែនការនេះឡើង និងបន្ត រឹតចំណងមេត្រីភាពល្អូកល្អឺននឹងគ្នា ថែមមួយកម្រិតទៀត ៕
មតិយោបល់