បន្ទាយមានជ័យ៖ ទឹកជំនន់ឆ្លងដែនហូរធ្លាក់ជាបណ្ដើរៗហើយមកពីប្រទេសថៃ ពន្លិចលើក្រុង-ស្រុកមួយចំនួនដែលនៅតាមខ្សែរបន្ទាត់ព្រំដែនកម្ពុជាថៃក្នុងភូមិសាស្ត្រខេត្តបន្ទាយមានជ័យ។ ពលរដ្ឋនៅតាមព្រំដែនក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត និងភូមិសាមគ្គីមានជ័យ ឃុំទួលពង្រ ក្នុងស្រុកម៉ាឡៃ និងភូមិមួយចំនួនទៀតបានប្រាប់ពីការបារម្ភកាលពីព្រឹកថ្ងៃទី ០៣ កញ្ញា២០១៤ ថាជំនន់ទឹកភ្លៀង និងទឹកជំនន់ ដែលហូរធ្លាក់ពីប្រទេសថៃ កំពង់គំរាមជនពន្លិច លំនៅដ្ឋាន ស្រែចម្កានិងប៉ុស្តិ៍រដ្ឋាលមួយចំនួន ហើយពួកគាត់ បាននិងកំពង់ត្រៀមហានិភ័យ ដែលបណ្ដាលមកពីគ្រោះធម្មជាតិនេះ។
នៅតាមដងអូរព្រំដែន និង ប៉ុស្ដិ៍រដ្ឋបាល ទឹកជំនន់នៅតែឡើងបន្ត ជិតលិចប៉ុស្តិ៍ អូរជ្រៅ និងប៉ុស្តិ៍ក្បាលស្ពាន សង្កាត់ប៉ោយប៉ែត ខេត្តបន្ទាយមានជ័យ។ អាជ្ញាធរមូលដ្ឋានថា: កំរិតទឹកដែលកំពង់ឡើង ជាបន្តបន្ទាប់នេះ ជាទឹកភ្លៀងកាលពីល្ងាចថ្ងៃទី ០២សីហាដែលបានបង្អុរធ្លាក់យ៉ាងខ្លាំងក្នុងភូមិសាស្ត្រព្រំប្រទល់ខេត្ត អាជ្ញាធរបានត្រៀមលក្ខណ:រួចជាស្រច សង្គ្រោះពលរដ្ឋដែលលិចលង់ ដោយគ្រោះធម្មជាតិទឹកជំនន់នេះ៕
មតិយោបល់