មានរយៈពេល៥ឆ្នាំមកហើយដែល លោក Beckham បានដកខ្លួនចេញពីក្រុមជម្រើសជាតិអង់គ្លេស ក្រោយលេងបាន១១៥លើកឲ្យក្រុមមួយនេះ និងជាលើកចុងក្រោយនៅការទាត់ជម្រុះ World Cupជាមួយក្រុមជម្រើសជាតិបេឡារូស នៅក្នុងទឹកដី Wembley។ អតីតប្រធានក្រុមជម្រើសជាតិអង់គ្លេសលោក David Beckhamបានអះអាងថា លោកបានចូលវិវត្តន៍ពីកីឡាបាល់ទាត់ គឺដើម្បីក្លាយជាអ្នករត់តាក់ស៊ីសម្រាប់កូនៗរបស់លោក ក្នុងអំឡុងពេលដែល ក្រុមជម្រើសជាតិអង់គ្លេសលេងនៅមុខក្រុមគាំទ្រជាង៤ម៉ឺននាក់របស់ខ្លួនអំឡុងការប្រកួតលក្ខណៈមិត្តភាពជាមួយក្រុមជម្រើសជាតិណ័រវ៉េ នៅក្នុងទឹកដី Wembley វាហាក់មានអារម្មណ៍ស្រើបស្រាលខ្លាំងណាស់ពេលឮសម្តីរៀបរាប់របស់លោក Beckham និយាយថា លោកមិនដឹងជាមានមោទនភាពបែបណាទេ ប្រសិនបើក្រុមជម្រើសជាតិអង់គ្លេសផ្តល់ឱកាសឲ្យលោកបានលេងជាមួយពួកគេជាថ្មីម្តងទៀតនោះ។
Beckham កីឡាករដ៏ល្បីល្បាញរបស់ពិភពលោកបាននិយាយថា បើទោះជាពេលនេះ លោកគ្រាន់តែជាអ្នកបើកតាក់ស៊ីដឹកកូនៗរបស់លោកពិតមែនក្តី តែលោកនៅតែមានមហិច្ឆតាមួយ។ លោកចូលចិត្តការជួបជុំគ្នា ការប្រកួត និងចាំអត់ភ្លេចពីពេលវេលាដែលលោកធ្វើជាប្រធានក្រុមជម្រើសជាតិអង់គ្លេសបាន៥៩លើក។ លោកបានបន្តទៀតថា លោកនឹកក្លឹបបិសាចក្រហម Man Utd និងក្លឹប Real Madrid ព្រមទាំងក្រុមទាំងអស់ដែលលោកធ្លាប់លេងជាមួយ៕
មតិយោបល់