ឧត្តរមានជ័យ៖ឆ្អឹងមាន់ជាប់សាច់និងជើងមាន់ផ្ទុកសារធាតុគីមីកំឲ្យស្អុយចំនួន៨៤គីឡូក្រាម ត្រូវបានកម្លាំងចំរុះច្រកអន្តរជាតិជាំធ្វើការបង្ក្រាបនិងដុតបំផ្លាញចោល មិនឲ្យនាំចូលបន្តទៅទៀត។ហេតុការកម្លាំងចំរុះច្រកជាំធ្វើការបង្ក្រាបជើងមាន់ សាច់មាន់នោះកាលពីវេលាម៉ោង៨និង៣០នាទីថ្ងៃទី១១ខែកញ្ញាឆ្នាំ២០១៤នៅចំណុចច្រកអន្តរជាតិជាំស្ថិតនៅក្នុងភូមិលើភ្នំ ឃុំត្រពាំងប្រ៍យ ស្រុកអន្លង់វែង.ខេត្តឧត្តរមានជ័យក្នុងការចុះចាប់បង្ក្រាបជើងមាន់ សាច់មាន់ជាប់ឆ្អឹងដែលដាក់សារធាតុគីមី កំឲ្យស្អុយ ខូចគុណភាពនោះមានកម្លាំងមន្ត្រីគយមន្ត្រីទីស្នាក់ការច្រក ប៉ូលិសអន្តោប្រវែសន៍និងមន្ត្រីកាំកុងត្រូលដែលធ្វើការបង្ក្រាបនោះ។លោកឃីវ ចាន់សុខុម ប្រធានសាខាកាំកុងត្រូលខេត្តឧត្តរមានជ័យ បានឲ្យដឹងថា ការចាប់បង្ក្រាបជើងមាន់ សាច់មាន់ជាប់នេះដូចភ្លៀងរលឹម ក៏នៅតែមានលួចលាក់បង្កុបក្នុងឥវ៉ាន់ បន្ទិចបន្ទួចប៉ុណ្ណោះវាមិនមានអ្វីច្រើននោះទេ យ៉ាងណាក៏ដោយក៏កម្លាំងចំរុះច្រកអន្តរជាតិជាំរបស់យើងនៅតែខិតខំទប់ស្កាត់ឲ្យបាន ពីព្រោះជើងមាន់និងសាច់មាន់ជាប់ឆ្អឹងទាំងនោះប្រើប្រាសនូវសារធាតុគីមីដាក់កំឲ្យស្អុយហើយបើយើងទាំងអស់គ្នាហូបទៅបណ្តាលឲ្យប៉ះពាល់ដល់សុខភាព។លោកឃីវ ចាន់សុខុមប្រធានសាខាកាំកុងត្រូលខេត្តបានបន្តទៀតថា រីឯអាជីវករដែលទិញសាច់មាន់ជាប់ឆ្អឹងនិងជើងមាន់ខូចគុណភាពលោកបានឲ្យធ្វើកិច្ចសន្យា ហើយអាជីវករមួយចំនួនទៀតបានរត់គេចខ្លួនបាត់មិនព្រមចូលខ្លួនមកធ្វើកិច្ចសន្យានោះទេ.ហើយសាច់មាន់ជាប់ឆ្អឹងនិងជើងមាន់ទាំងនោះបានដុតកំទេចចោលនៅខាងក្រោយទីស្នាក់ចំរុះ៕
ព័ត៌មានជាតិ
មតិយោបល់