កំពង់ឆ្នាំង៖ អ្នកស្រវឹងម្នាក់បានសន្លប់និងរងរបួសធ្ងន់ដោយសារជិៈម៉ូតូដួលដោយខ្លួនឯង បោកទៅនឹងគល់ឈើ ករណីគ្រោះថ្នាក់នេះបានកើតឡើងនៅវេលាម៉ោង២និង៣០នាទីរសៀលថ្ងៃទី១៤ ខែកញ្ញា ឆ្នាំ២០១៤ នៅតាមបណ្តោយផ្លូវជាតិលេខ៥៣ ស្ថិតនៅក្នុងភូមិអូររូង ឃុំជ្រៃបាក់ ស្រុករលាប្អៀរ។
សមត្ថកិច្ចនគរបាលមូលដ្ឋានបានអោយថាៈ យុវជនរងគ្រោះមានឈ្មោះ យ៉ុន កន អាយុ២៤ឆ្នាំ មានទីលំនៅ ភូមិគល់គុប ឃុំស្រែថ្មី ស្រុករលាប្អៀរ ។មុនពេលកើតហេតុគេមិនបានដឹងថាជនរងគ្រោះផឹកស្រវឹងពីកន្លែងណាមកទេ ប៉ុន្តែគេបានឃើញជនរងគ្រោះ ជិៈម៉ូតូសង់កូរ៉េគ្មានស្លាកលេខ ពណ៌ក្រហមក្នុងដំណើរពីលិចមកកើត មានល្បឿនយ៉ាងលឿន លុះមកដល់ចំណុចកើតហេតុ ស្រាប់តែរ៉េចង្កូតមកស្តាំដៃបុកនិងកូនឈើតូចៗដែលនៅក្បែរផ្លូវហើយនិងបោកដួលដីរងរបួសធ្ងន់សន្លប់លែងដឹងខ្លួនតែម្តង។
ក្រោយពេលកើតហេតុ អ្នកស្រុកនៅក្បែរនោះបានជួយលើកជនរងគ្រោះ ដាក់ក្រោមម្លប់ឈើនិងបានទូរសព្ទ័ហៅរថយន្តសង្គ្រោះរបស់មន្ទីរពេទ្យ ដឹកទៅយកសង្គ្រោះនៅមន្ទីរពេទ្យខេត្ត ចំណែកម៉ូតូបានរងការខូចខាត បាក់ជន្ទុលនិងបែកក្បាំងមួយចំហៀង ត្រូវបានមន្ត្រីនគរបាលមូលដ្ឋានទំនាក់ទំនងជាមួយ ក្រុមគ្រួសារដឹកយកទៅលំនៅដ្ឋានវិញ។
សមត្ថកិច្ចនគរបាលមូលដ្ឋានបាននិយាយថា៖ គ្រោះថ្នាក់ចរាចរណ៍នេះ គឺបណ្តាលមកពីការផឹកស្រវឹងមិនប្រមាណខ្លួនមិនទុកសោហ៊ុយមកផ្ទះវិញ ដែលនេះចេះដួលតែម្នាក់ឯង ចុះបើទៅបុកអ្នកធ្វើដំណើរផ្សេងទៀត នោះនឹងត្រូវមានបញ្ហាសងលុយគេមួយជាន់ទៀតទៅហើយ ៕
មតិយោបល់