គ្រូបង្វឹកក្លិបមេឃខៀវ Manchester City លោក Manuel Pellegrini (ម៉ាញូអេល ប៉េឡេគ្រីនី) មានជំនឿជាក់ថា កីឡាករ Sergio Aguero (ស៊ើជីអូ អាឃ្វេរ៉ូ) អាចមានលទ្ធភាពឈ្នះពាន Ballon d’Or (បាឡុន ដរ) នៅរដូវកាលនេះបាន ។
Aguero បានស៊ុតបញ្ចូលទីគ្រាប់ទី៣របស់ខ្លួនក្នុងការប្រកួតដែល Man City ស្មើ Arsenal ២-២ ហើយលោក Pellegrini បានបង្គាប់ឲ្យកីឡាករសញ្ជាតិអាហ្សង់ទីនរូបនេះរក្សាទម្រង់លេងដ៏ល្អ របស់ខ្លួនដើម្បីក្លាយទៅជាកីឡាករដែលល្អផ្តាច់គេក្នុងពិភពលោក ។
លោក Pellegrini ប្រាប់អ្នកសារព័ត៌មានថា “ខ្ញុំគិតថា Aguero គឺស្ថិតក្នុងចំណោមកីឡាករល្អៗ នៅលើពិភពលោកហើយរូបគេនឹងអាចដណ្តើមពាន Ballon d’Or (បាឡុន ដរ) បានសម្រាប់ឆ្នាំនេះ” ។
គួរបញ្ជាក់ថា Manchester City នឹងត្រូវជួបជាមួយ Bayern Munich ក្នុងការប្រកួតដំបូងសម្រាប់យុទ្ធនាការ Champions League នៅថ្ងៃពុធនេះ ៕
មតិយោបល់