ក្រុមហ៊ុន Apple បានប្រកាសបង្ហាញ iPhone 6 និង iPhone 6Plus ជាមួយនឹងអេក្រង់ធំ ដែលបានធ្វើឲ្យពិភពលោកមានការភ្ញាក់ផ្អើល ព្រោះថាលោក Tim Cook នាយកប្រតិបត្តិ Apple បានល្មើសនឹងសំដីរបស់លោក Steve Jobs ដែលជាសហស្ថាបនិក និងជាអតីតនាយកប្រតិបត្តិ Apple។
លោក Steve Jobs ធ្លាប់បាននិយាយកាលពីលោកនៅមានជីវិតថា ក្រុមហ៊ុន Apple មិនបង្កើត iPhone ឲ្យមានអេក្រង់ធំជាង ៤អ៊ីងនោះទេ ដោយលោកបានបញ្ជាក់ពីមូលហេតុថា ទំហំអេក្រង់របស់ iPhone 4/4S វាសមល្មមនឹងប្រើប្រាស់ ព្រោះថា នៅពេលកាន់នៅនឹងដៃវាមានអារម្មណ៍ថា ស្និទ្ធស្នាល និងម្យ៉ាងទៀត អ្នកប្រើប្រាស់អាចប្រើវាដោយដៃម្ខាងបាន ខុសប្លែកពីស្មាតហ្វូនរបស់ក្រុមហ៊ុនផ្សេងៗ។
ទាំងនេះជាសំដីរបស់លោក Steve Jobs ប៉ុន្តែនៅថ្ងៃទី០៩ខែកញ្ញា ឆ្នាំ ២០១៤ កន្លងទៅនេះ Apple បានបង្ហាញ iPhone 6 និង iPhone 6Plus ជាមួយនឹងអេក្រង់ ៤,៧អ៊ីង និង ៥,៥អ៊ីង ដោយមហាជនគ្រប់គ្នាដែលធ្លាប់ឮសំដីរបស់ Steve Jobs បាននិយាយថា លោក Tim Cook បានល្មើសនឹងសំដីរបស់ Steve Jobs ប៉ុន្តែអ្នកខ្លះវិញបាននិយាយថា វាជាយុគសម័យបច្ចេកវិទ្យាស្មាតហ្វូនអេក្រង់ធំ ដូច្នេះត្រូវបានដើរទៅមុខ មិនត្រូវត្រឡប់ក្រោយនោះទេ ម្យ៉ាងនៅពេលនេះ Tim Cook ជាអ្នកកាន់ចង្កួត Apple ដូច្នេះវាស្ថិតនៅក្នុងក្រោមការសម្រេចចិត្តរបស់គាត់៕
មតិយោបល់