ខេត្តកំពង់ឆ្នាំង៖ស្ថិតនៅភូមិប្រជាពលរដ្ឋ បង្ករឲ្យមានការភិតភ័យជាពិសេសប្រជាពលរដ្ឋដែលមានលំនៅដ្ឋាននៅក្បែរ នោះ។ លោក ម៉ែន សំអាត មេបញ្ជាការកងរាជអាវុធហត្ថ ស្រុកជលគីរី បានឲ្យអ្នកសារព័ត៌មានដឹង តាមទូរស័ព្ទថា គ្រាប់បែកនេះ នៅមានគុណភាពផ្ទុះ នៅឡើយ ដោយមានរំសេវ តេអិនតេ នៅថ្មីនិង ពេញណេន នៅឡើយ។
លោកមេបញ្ជាការបន្តថា គ្រាប់នេះ ជាគ្រាប់បែកបេ៥២ ទម្លាក់ពីលើយន្តហោះ ជាកាកសំ ណល់ពីសង្គ្រាមសម័យលន់ ណុល និងប៉ុលពត ចំពោះគ្រាប់បែកនេះ គឺសមត្ថកិច្ចអាជ្ញាធរ បាន រាយការណ៍ទៅថ្នាក់លើនិងលោកអភិបាលខេត្តរូចហើយ ហើយខាងខេត្តបានឆ្លើយថា នឹងឲ្យខាង ស៊ីម៉ាក់មកចំណាត់ការ រហូតមកទល់ថ្ងៃទី១៩នេះ គឺមិនទាន់ឃើញ ខាងស៊ីម៉ាក់មកនិងមានចំណាត់ ការនៅឡើយទេ បន្ទាប់ពីគ្រាប់១គ្រាប់នេះ ត្រូវបានគ្រឿងចក្រឈូសឆាយ ប្រទះឃើញកាលពីវេលា ម៉ោង៤និង៣០នាទីល្ងាចថ្ងៃទី១៦ ខែកញ្ញា ឆ្នាំ២០១៤ នៅខណះពង្រាបដីលំនៅដ្ឋាន ស្ថិតនៅក្នុង ភូមិព្រៃគ្រីជើង ឃុំព្រៃគ្រី ស្រុកជលគីរី ខេត្តកំពង់ឆ្នាំង។
លោកម៉ែន សំអាត បានបន្តថា សមត្ថកិច្ចអាជ្ញាធរស្រុកជលគីរី បានធ្វើរបងនិងស្រះមែក ឈើហុំព័ទ្ធគ្រាប់នោះហើយ ព្រមទាំងដាក់សញ្ញាគ្រោះថ្នាក់ ឲ្យប្រជាពលរដ្ឋដឹងទៀតផង។ ចំណែកប្រជាពលរដ្ឋ វិញសុំឲ្យអាជ្ញាធរ ស៊ីម៉ាក់ មេត្តារួសរាន់ ចំណាត់ការរឿងនេះផង ព្រោះ នៅស្រុកនេះ គឺមានគោក្របីច្រើនណាស់ ជាពិសេសនៅរដូវវស្សា គឺសត្វពាហនះទាំងនោះ ត្រូវគេ ព្រលែងទាំងហ្វូងៗដើរ រកស៊ីតាមជើងភ្នំ នៅកន្លែងគ្រាប់នេះ ហេតុនេះខ្លាចសត្វទាំងនេះ ដេញគ្នាពពាក់ ពពូនគៀរនិងធ្លាយរបង ដែលគ្រាន់តែជាហេតុៗនោះ វានាំគ្រោះថ្នាក់ដល់អាយុជីវិត មនុស្ស៕
មតិយោបល់