ភ្នំពេញ ៖រថយន្តម៉ាកម៉ាស្ប៉ាដែលបានបោះពួយក្នុងលឿនល្មមបានជ្រុលចង្កួតទៅបុកនិងដើមក្ងោកមួយដើមប៉ុនខ្លួនមនុស្សយ៉ាងពេញទំហឹងបណ្តាលឱ្យរថយន្តផ្ទុះពោងទាំង២ស្រុញក្បាលជាប់ទៅមុខលែងរួចកាលពីវេលាម៉ោង១និង៣០នាទីយប់ឈានចូលថ្ងៃទី៣០ខែកញ្ញាឆ្នាំ២០១៤ នៅចំណុចនៅមុខសកលវិទ្យាល័យ ទិចណូស្ថិតតាមបណ្តោយផ្លូវសហព្ធ័រុស្ស៊ីសង្កាត់ទឹកល្អក់ទី១ខណ្ឌទួលគោក។
សមត្ថកិច្ចបានឱ្យដឹងថានៅមុនពេលកើតហេតុគេឃើញរថយន្តម៉ាកម៉ាស្ប៉ាពណ៌សពាក់ស្លាកលេខភ្នំពេញ 2X-6818 មួយគ្រឿងបានបើកបរដោយបុរសម្នាក់និងរួមដំណើរជាមួយនារីម្នាក់ទៀត បានធ្វើដំណើរតាមបណ្តោយផ្លូវសហព្ធ័រុស្ស៊ីក្នុងទិសដៅពីតើតទៅលិចដោយល្បឿនលឿនល្មម ស្រាប់តែរថយន្តនេះ ក៏ជ្រុលចង្កូតទៅខាងស្តាំដៃឡើងចិញ្ចើមផ្លូវទៅបុកដើមក្ងោក១ដើមប៉ុនខ្លួនមនុស្សចាស់ពេញទំហឹងបណ្តាលឱ្យរថយន្តកៀបជាប់នឹងដើមក្ងោកខ្ទេចមុខមួយកំណាត់ និងផ្ទុះពោងការពារ សុវត្ថិភាពទាំង២បានការពាអ្នកនៅក្នុងរថយន្តគ្រាន់រងរបួសស្រាល់ប៉ុណ្ណោះ។ ក្រោយពេលកើតហេតុប៉ូលិសចរាចរបានចុះទៅស្ទូចយករថយន្តបង្កហេតុនេះ ស្ទូចទៅការិយាល័យ ចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញដើម្បីកសាងសំណុំរឿងចាត់ការតាមផ្លូវច្បាប់ ៕
មតិយោបល់