ខេត្តក្រចេះ ៖ នគបាលក្រុងក្រចេះ ឃាត់ខ្លួនមុខសញ្ញាចែកចាយនិងប្រ់ប្រាស់គ្រឿងញៀន ចំនួន៤នាក់ កាលពីរសៀលថ្ងៃទី០២ ខែតុលា ឆ្នាំ២០១៤ នៅចំណុចផ្លូវបំបែកខ្លាស្ទុះ ស្ថិតក្នុងភូមិកាប៉ូ សង្កាត់អូឬស្សី ក្រុងក្រចេះ ក្រោមការចង្អុលបង្ហាញពីលោក ឧត្តមសេនីយ៍ត្រី លន់ សុផាត ស្នាងការនគបាលខេត្តក្រចេះ ។
ក្នុងប្រតិបត្តិការនេះ ដឹកនាំនិងសម្របសម្រួលដោយលោក ធុច បញ្ជៈសន្តិភាព ព្រះរាជអាជ្ញារងអម សាលាដំបូងខេត្តក្រចេះ កម្លាំងនគរបាលនៃអធិការដ្ឋាននគបាលក្រុងក្រចេះ និង ប៉ុស្តិ៍រដ្ឋបាលសង្កាត់អូឬស្សីរួមនិងអាជ្ញាធរមូលដ្ឋាន បានធ្វើការឡោមព័ទ្ឋនិងឆែកឆេរ ឃ្លាំង និងការាស់ ខាងលើ និងឈានទៅធ្វើការឃាត់ខ្លួនកូនថៅកែរការាស់សាំងម្នាក់ និងបក្សរបស់គេ៣នាក់ទៀត ។
សមត្ថកិច្ចបានអោយដឹងថា បន្ទាប់ពីឃាត់ខ្លួន ជនសង្ស័យឈ្មោះ ឯក សុខេន ក្នុងចំណោម បក្សពួករបស់គេរួមនិងថ្នាំញៀនចំនួន២កញ្ជាប់ នៅក្បែរ វិទ្យាល័យ ក្រុងក្រចេះ ហើយតាម ចំលើយសារភាពរបស់ ជនសង្ស័យ ទើបសមត្ថកិច្ចឈាន ដល់ការចាប់ឃាត់ខ្លួនបក្សបួកគេចំនួន៣នាក់ទៀត រួមនិងសំភារៈប្រើប្រាស់មួយចំនួនផងដែរ ។
ជនសង្ស័យដែលត្រូវចាប់ខ្លួនទី១ឈ្មោះ សុខ រ៉ែន ភេទប្រុស អាយុ ២៣ឆ្នាំ មានទីលំនៅ ភូមិកាប៉ូ សង្កាត់អូឬស្សី ក្រុងក្រចេះ ទី២ឈ្មោះ សុខ ឌីដារា ភេទប្រុស អាយុ២៥ឆ្នាំ ជាមន្ត្រី យោធា មានទីលំនៅក្នុងភូមិក្រចេះ សង្កាត់ក្រចេះ ក្រុងក្រចេះ ទី៣ឈ្មោះ លន់ វទី ភេទប្រុស អាយុ ២៣ឆ្នាំ មានទីលំនៅភូមិកាប៉ូ សង្កាត់អូឬស្សី ក្រុងក្រចេះ និងទី៤ឈ្មោះ ឯក សុខេន ភេទប្រុស អាយុ៣៩ឆ្នាំ មានទីលំនៅក្នុងភូមិអូឬស្សី២ សង្កាត់អូឬស្សី ក្រុងក្រចេះ ក្នុងនោះ សមត្ថកិច្ចដកហូតវត្ថុតាំងរួមមាន ថ្នាំញៀន៤កញ្ជាប់ធំ និង១កញ្ជាប់តូច ជញ្ជីងសម្រាប់ថ្លឹង ១គ្រឿង ថវិការចំនួន៥០០ដុល្លា និង៤០ម៉ឺនរៀល ម៉ូតូចំនួន៣គ្រឿង ទូរសព្ទ័ដៃចំនួន៤គ្រឿង និង ឧបករណ៍សម្រាប់ប្រើប្រាស់គ្រឿងញៀនមួយចំនូនទៀត ។
ជនសង្ស័យទាំង៤នាក់ រួមនិងវត្ថុតាំងត្រូវបានឃុំខ្លួនជាបណ្តោះ អាសន្ន នៅអធិការរដ្ឋាន នគបាលក្រុងក្រចេះ ដើម្បីធ្វើការសាកសួរ និងកសាងសំណុំរឿងចាត់ការ បន្តរតាមនិតិវិធីច្បាប់៕
មតិយោបល់